Ermənistan MN-in binası qarşısında aksiya - "Hərbi hissədə əsgərə işgəncə veriblər və o, fərarilik edib" - VİDEO | Eurasia Diary - ednews.net

23 Avqust, Cümə


Ermənistan MN-in binası qarşısında aksiya - "Hərbi hissədə əsgərə işgəncə veriblər və o, fərarilik edib" - VİDEO

Siyasət A- A A+
Ermənistanda hərbi qulluqçuların valideynləri Müdafiə Nazirliyi qarşısında etiraz aksiyası keçirirlər.

Eurasia Diary erməni KİV-lərinə istinadən xəbər verir ki, hazırda Ermənistan Müdafiə Nazirliyinin binası qarşısında əsgər valideynləri etiraz aksiyası keçirərək nazir Davit Tonoyanla görüş tələb edir. 

Etiraz aksiyasına toplaşanlardan biri qeyd edir ki, onun yaxın qohumu olan əsgərlərdən birinin səhhətində problem var. Bundan başqa, hərbi hissəni tərk etmə həddinə çatdırılanadək, ona işgəncələr verilib. 


“Əsgərin başına zərbələr endirilib və bu barədə faktları yalnız nazirə təqdim edəcəyik. İstəyirik ki, əsgərin niyə zərbələr aldığını, niyə onun həyəcan keçirdiyini və gözlərinin rənginin dəyişdiyini yoxlasınlar. Bizim tələbimiz, əsgərin müalicə olunması, onu bu vəziyyətə çatdıranın məsuliyyətə cəlb edilməsidir”, - deyə etirazçılar bildirib. 

Ermənistan Müdafiə Nazirliyin mətbuat katibi Artsrun Hovhanisyan isə öz növbəsində qeyd edib ki, onların övladı müddətli xidmət hərbi qulluqçusudur və hərbi hissədə ən azı 2 nizam-intizam pozuntusu hadisəsinə yol verib. Bu addımlar cəzalandırılmalıdır (döyülmə yolu ilə?-red.). 

“Davam edən cinayət işi var. Mən başa düşdüyüm qədər, onların istəyi ondan ibarətdir ki, səs-küy qaldırmaq hesabına hansısa məsələlərin qarşısını alsınlar. Cinayət işi açıq şəkildə bunu ortaya qoyacaq”, - deyə Hovhannisyan məsuliyyəti döyülmüş əsgərin üzərinə atmağa çalışıb. 

Ordu.az

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...