Qalmaqallı açıqlamaları ilə gündəmə gələn Yeni Azərbaycan Partiyasının (YAP) icra katibinin müavini, deputat Siyavuş Novruzovla partiyaının İdarə Heyətinin üzvü, deputat Eldar İbrahimova həm ölkə prezidentinin köməkçisi, həm də YAP sədrinin müavini, o cümlədən partiyadaşları və keçmiş nazirlər tərəfindən etirazlar edilir.
Bəs görəsən, Siyavuş Novruzovla Eldar İbrahimov YAP-dan çıxarıla bilərmi? Eurasia Diary bu sualla YAP-ın şöbə müdiri, deputat Aydın Mirzəzadəyə müraciət edib.
"Bu məsələ barəsində prezidentin içtimai-siyasi məsələlər üzrə köməkçisi Əli Həsənov və Baş Nazirin müavini, YAP sədrinin müavini-İcra katibi Əli Əhmədov prinsipial şəkildə öz mövqelərini ortaya qoydular. Bildirildi ki, Ulu Öndər Heydər Əliyevin, indiki Prezident cənab İlham Əliyevin apardığı siyasətin məqsədi milli birlik və dövlətçiliyin inkişafında hər bir kəsin iştirakı üçün şərait yaradılmasıdır. Və hesab edirəm ki, bu mövqe bu gün Yeni Azərbaycan Partiyası üzvləri, o cümlədən, cəmiyyət tərəfindən dəstəklənir", - deyən A.Mirzəzadə sualımıza konkret cavab verə bilməyəcəyini bildirib.
Vəfa Vəliyeva