Parlamentin adı dəyişdirilsin! - Milli Məclis əvəzinə... - TƏKLİF | Eurasia Diary - ednews.net

22 Yanvar, Çərşənbə


Parlamentin adı dəyişdirilsin! - Milli Məclis əvəzinə... - TƏKLİF

Siyasət A- A A+

Ziyalılar hazırda gündəmin ən çox müzakirə olunan məsələsi  - Milli Məclislə bağlı maraqlı təklif səsləndiriblər.

Eurasia Diary-nin modern-ə istinadən məlumatına görə, təklifi yazıçı-dramaturq Firuz Mustafa ictimailəşdirib.

F.Mustafa həmkarı ilə birgə Milli Məclisin adının dəyişdirilməsini təklif edib.

“Bu günlərdə tanınmış türkoloq, hörmət bəslədiyim təvazökar dilçi alim Şahlar Göytürk bir təklif vermişdi. "Milli Məclis əvəzinə Millət Məclisi deyilməlidir".

Nəsə bu təklifə az reaksiya oldu. Zənnimcə çox doğru yanaşmadır. Nə üçün? Çünki biz "Milli Məclis" deyiriksə, onda məntiqlə gərək deputata da "milli vəkil" deyək.

Hesab edirəm ki, iki aylıq "istirahətdən" sonra fəaliyyətə başlayacaq Milli Məclisin yeni üzvləri bu məsələni müsbətə doğru həll edəcək”,-deyə Firuz Mustafa bildirib.

Ölkə Prezidentinin sərəncamı ilə 5 dekabr 2019-cu il tarixində Azərbaycan Respublikasının Milli Məclisi rəsmən buraxılıb, 9 fevral 2020-ci il tarixinə isə növbədənkənar parlament seçkisi təyin edilib.

Qeyd edək ki, qardaş Türkiyə Cümhuriyyətində qanunverici orqan Böyük Millət Məclisi, onun üzvləri isə millət vəkili adlanır.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...