Seçicilərin hərarətlə qarşıladığı Azay Quliyev ötən 4 ildə ona ünvanlanan müraciətlərin hamısını diqqətdə saxladığını deyib və onların həlli üçün gördüyü işlər barədə hesabat verib. Azay Quliyev ilk dəfə Azərbaycanda 8 saylı Binəqədi birinci seçki dairəsində tətbiq olunan seçicilərin elektron kabinetinin (e-kabinet) əhəmiyyəti və vətəndaşlar üçün yaratdığı üstünlüklər haqqında danışıb.

Daha sonra seçicilərin müraciətlərini dinləyən Azay Quliyev onların həlli üçün müvafiq addımlar atacağını bildirib. Azay Quliyev seçki qərargahının ofisinin hər gün tezdəndən axşamadək açıq olduğunu və bütün müraciətlərin könüllülər tərəfindən e-kabinetdə qeydiyyata alındığını vurğulayıb. Azay Quliyev seçicilərin ona göstərdiyi etimadı bundan sonra da doğruldacağını bildirib.

Şair, publisist Zakir Fəxri Azay Quliyevin beynəlxalq təşkilatlarda Qarabağla bağlı gördüyü işlərin böyük əhəmiyyətə malik olduğunu deyib. Z. Fəxri seçicilərini ləyaqətli təmsil edən Azay Quliyevə yenidən səs verəcəklərini bildirib.
Akademik Hətəm Quliyev Azay Quliyevin deputat fəaliyyətini yüksək qiymətləndirdiklərini və 8 saylı Binəqədi birinci seçki dairəsinin seçicisi olan ziyalıların fevralın 9-da böyük həvəslə ona səs verəcəklərini deyib. Akademik e-kabinetin tətbiqinin deputat-seçici münasibətlərində inqilabi yenilik olduğunu bildirib.

EurasiaDiary © Xəbərlərdən istifadə zamanı hiperlinklə istinad olunmalıdır.