Ramil Səfərovla bağlı - RƏSMİ AÇIQLAMA | Eurasia Diary - ednews.net

8 İyul, Çərşənbə


Ramil Səfərovla bağlı - RƏSMİ AÇIQLAMA

Siyasət A- A A+

Avropa İnsan Hüquqları Məhkəməsinin "Makuçyan və Minasyan Azərbaycan və Macarıstana qarşı" işinə dair qərarı gözlənilən idi.
 
EDNews.net-in xəbərinə görə, bunu Azərbaycanın Avropa İnsan Hüquqları Məhkəməsindəki (AİHM) səlahiyyətli nümayəndəsi Çingiz Əsgərov deyib.
 
Onun sözlərinə görə, qərarda obyektiv olaraq müəyyən edilib ki, Azərbaycan Respublikası bu məsələ ilə bağlı heç bir beynəlxalq hüquqi məsuliyyət daşıya bilməz:
 
"Avropa Məhkəməsi də bu qərara gəlib və mən onunla razıyam. Çünki əvvəllər AİHM tərəfindən həyat hüququ və ayrı-seçkiliyin qadağan edilməsini nəzərdə tutan Avropa Konvensiyasının 2 və 14-cü maddələri üzrə həlledici qərarlar qəbul edilib. Amma mən erməni tərəfinin qərarı necə şərh etməsi ilə razı deyiləm. Bu, yaşamaq hüququnun maddi aspektinin pozulması məsələsinə aiddir".
 
Ç.Əsgərov qeyd edib ki, prosessual olaraq Ramil Səfərovun Azərbaycana qayıtmasından sonra baş vermiş hadisələrə gəlincə, bununla bağlı Avropa Məhkəməsinin presedent hüququ mövcuddur.
 
"Bununla bağlı artıq qərar qəbul edilib. Biz belə bir qərarın veriləcəyini gözləyirdik. Həmçinin qeyd edim ki, Avropa Məhkəməsinin qərarında ərizəçilərlə bağlı hər hansı kompensasiya məbləği müəyyən edilməyib. Yalnız məhkəmə xərcləri müəyyən olunub. Maddi və mənəvi ziyanla bağlı məbləğ müəyyən edilməyib və bunu nəzərə almaq lazımdır", - deyə Ç.Əsgərov vurğulayıb.(Azvision.az)

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...