Rusiya Erməniləri Birliyinin sədri Ara Abrahamyan, bütün diasporun "tarixi düşmənləri" azərbaycanlılara və türklərə qarşı birgə çıxacağını deyərkən bir az həyəcanlanmışdı.
EDNews.net xəbər verir ki, bu barədə rusiyalı jurnalist və millətlərarası münaqişələr üzrə ekspert Yevgeni Mixaylov bildirib.
"Bütün bunlar göstəriş xatirinə edilir", deyən ekspert ermənilərin vəziyyəti qızışdırmağa çalışdıqlarını qeyd etdi.
Mixaylov bir çox erməninin Paşinyan rejiminin maraqları naminə müharibəyə getməyə hazır olmadığını vurğuladı. "Əksinə, onlar Ermənistanda yeni, daha ağıllı bir rəhbərliyi hakimiyyətə gətirmək üçün birləşə bilərlər", o dedi.
Rusiyadakı erməni diasporunun rəhbərinin açıqlamalarından danışarkən Mixaylov, həmçinin bildirib ki, ölkə hakimiyyəti öz ərazilərində könüllü dəstələrin təşkilinə icazə verməyəcək.
“Muzdluların fəaliyyəti və qanunsuz silahlı dəstələrdə iştirak barədə olan məqalə hələ də silinməyib. Əlbəttə ki, ikili vətəndaşlığı olan şəxslər müharibəyə gedə bilər, lakin belədə onların Rusiyaya qayıtmaq şansı yoxdur. Moskva istənilən halda Cənubi Qafqazda sülhün qarantıdır və mənim fikrimcə, Abrahamyanın bu cür məsuliyyətsiz açıqlamaları cinayət xarakterli olarsa hüquq-mühafizə orqanları tərəfindən lazımi səviyyədə qiymətləndiriləcək", deyə ekspert bildirib.