Ermənistan və Azərbaycan arasında vəziyyətə dair BMT Baş katibinin sözçüsünün bəyanatı | Eurasia Diary - ednews.net

29 Noyabr,


Ermənistan və Azərbaycan arasında vəziyyətə dair BMT Baş katibinin sözçüsünün bəyanatı

Siyasət A- A A+

Birləşmiş Millətlər Təşkilatının Baş katibinin sözçüsü Ermənistan və Azərbaycan arasındakı vəziyyətə dair bəyanat verib. 

Eurasia Diary-nin xəbərinə görə, bəyanatda Baş katib münaqişə ərazisində insanların yaşayış yerlərinə edilən bütün hücumları qınayır. 

"Oktyabrın 16-da Gəncə şəhərinə olan hücum nəticəsində uşaqlar da daxil olmaqla mülki şəxslərin həyatını faciəvi şəkildə itirməsi, eləcə də Stepanakert/Xankəndi də daxil olmaqla Dağlıq Qarabağ münaqişə zonası və onun kənarında yerləşən bütün yaşayış məntəqələrinə edilən zərbələr tamamilə qəbulolunmazdır.

Baş katib tərəflərin beynəlxalq birliyin döyüşləri dərhal dayandırmaq üçün təkrar çağırışlarına davamlı olaraq məhəl qoymadıqlarına görə dərin təəssüf hissi keçirir. Ermənistan və Azərbaycan xarici işlər nazirləri ilə son telefon danışıqlarında baş katibin bir daha vurğuladığı kimi, hər iki tərəf beynəlxalq humanitar hüquqa görə hərbi əməliyyatlar apararkən mülki şəxslər və mülki infrastrukturun qorunması və müdafiəsini təmin etmək öhdəliyi var.

Oktyabrın 18-də humanitar atəşkəsin başlanmasına dair elanı qeyd edən Baş katib hər iki tərəfin bu öhdəliyə tam əməl edəcəklərini və ATƏT-in Minsk Qrupu çərçivəsində təxirə salınmadan substantiv danışıqları davam etdirəcəklərini gözləyir".

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...