Minsk Qrupunun “qəfil gecə bəyanatı”nın səbəbi - Zülfüqarov | Eurasia Diary - ednews.net

18 May, Çərşənbə axşamı


Minsk Qrupunun “qəfil gecə bəyanatı”nın səbəbi - Zülfüqarov

Siyasət A- A A+

ATƏT-in Minsk Qrupu həmsədrlərinin yaydığı son bəyanat yalvarışa bənzəyir. Həmin bəyanatdan bu nəticəyə gəlmək olar ki, onlar işsiz qalmamaq üçün “fəaliyyət”lərinə davam etmək istəyirlər.

Bu sözləri Axar.az-a sabiq xarici işlər naziri, politoloq Tofiq Zülfüqarov ATƏT-in Minsk Qrupunun həmsədrləri İqor Popov (Rusiya), Stefan Viskonti (Fransa) və Endryu Şoferin (ABŞ) ötən gün axşam saatlarında yaydığı bəyanat haqda danışarkən deyib.

Politoloqun sözlərinə görə, artıq hər kəs yaxşı başa düşür ki, ATƏT-in Minsk Qrupunun regionda görəcəyi bir iş qalmayıb:

“Rusiya və Türkiyənin prosesdə aktiv rol oynaması bir növ Qərbin kənarda qalmasına gətirib çıxarıb. Təbii ki, indiki halda Qərb də prosesə qayıtmaq istəyir. Rusiyaya gəldikdə deyə bilərəm ki, onun mövqeyi bir az fərqlidir. Çünki rəsmi Moskva həm ATƏT-in Minsk Qrupu həmsədridir, həm də Türkiyə ilə birlikdə yeni formatda iştirak edir. Yəni Kreml üçün Minsk Qrupunun olub-olmamasının elə də bir fərqi yoxdur.

Təbii ki, bundan sonra ATƏT-in Minsk Qrupu həmsədrlərinin nələr edə biləcəyi məsələsi var. Həmsədrlər insanların öz evlərinə qayıtması, humanitar məsələlərlə məşğul ola bilərlər. Təbii ki, buna rəsmi Bakı icazə verməlidir”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...