Milli Məclisin İqtisadiyyat, sənaye və sahibkarlıq “İnvestisiya fəaliyyəti haqqında” müzakirələr olub.
Xatırladaq ki, təqdim olunan sənəd Prezident İlham Əliyevin “İnvestisiya fəaliyyətinin təşviq edilməsi və xarici investorların hüquqlarının qorunması ilə bağlı bir sıra tədbirlər haqqında” Sərəncamında “İnvestisiya fəaliyyəti haqqında” və “Xarici investisiyanın qorunması haqqında” qanunların əsasında yeni “İnvestisiya fəaliyyəti haqqında” qanun layihəsinin yaradılması barədə göstərişinə uyğun hazırlanıb.
“İnvestisiya fəaliyyəti haqqında” qanun layihəsi hansı dəyişikliklərə səbəb olacaq?
Qanun layihəsinin müzakirələrində çıxış edən komitə sədri, millət vəkili Tahir Mirkişili Ednews-a açıqlamasında bildirib ki, qanun layihəsinin 2 əsas məqsədi var.
“Cənab Prezidentin təşəbbüsü ilə hazırlanan bu qanun layihəsinin “investisiyaların daxil olmasını təşviq etmək” və “investorların hüquqlarını qorumaq” olmaqla 2 əsas məqsədi var. Qanun layihəsi xarici və daxili investisiyalarının təşviqi, daxili və xarici investorların hüquqlarını qorumaq və onların fəaliyyətinə qanundan kənar hər hansı bir müdaxilənin qadağa edilməsini hədəfləyir”.
Millət vəkili layihənin Azərbaycan iqtisadiyyatının inkisafı üçün uğurlu olacağını düşünür.
“İqtisadiyyata, özəl sektora daha çox investisiyanın daxil olması daha çox inkisaf deməkdir. İnvestisiyaların hansı sahələrə yönləndiriləcəyi isə İqtisadiyyat Nazirliyi tərəfindən hazırlanacaq “İnvestisiya strategiyası” ilə bağlı olan məsələdir. İqtisadiyyatın inkişafı üçün investisiyaların mühüm rol oynadığını nəzərə alsaq, investisiya mühiti daha da təkmilləşdirilməlidir”.
Milli Prioritetlər və İnvestisiya fəaliyyəti...
“2021-ci ildə müəyyən edilən beş Milli Prioritetin əsas məqsədi 2030-cu ilə qədər iqtisadi artımı dayanıqlı etmək, işğaldan azad olunmuş ərazilərin inkişafına nail olmaq və s.dir. Bunların həyata keçirilməsində investisiyaların rolu böyükdür. Çünki, bu investisiyalar insan kapitalına əsaslanır, texnologiyaları cəlb edir. İşğaldan azad olunan ərazilərə özəl sektorun cəlb edilməsi və iqtisadi inkişafa nail olmaq yönündə işlər görülür ki, bunu yalnızca dövlət hesabına etmək qeyri-mümkündür”.
Aysel Bədəlova