"Bizim üçün əsas prinsip Mustafa Kamal Atatürkün "Azərbaycanın kədəri kədirimiz, sevinci sevincimizdir" və Heydər Əliyevin "Bir millət - iki dövlət" sözləridir".
Ednews xəbər verir ki, bu barədə Türkiyənin Azərbaycandakı səfiri Cahit Bağçı "Şuşa Bəyannaməsi və Azərbaycan-Türkiyə diplomatik münasibətlərinin 30-cu ildönümü" adlı konfransda bildirib.
Səfir qeyd edib ki, dildə, işdə, fikirdə birlik reallığı görülməlidir:
“Çanaqqala cəbhəsində savaşan azərbaycanlı qardaşlarımız var idi. Eyni zamanda, Nuru Paşanın rəhbərlik etdiyi, bolşevik istilasına qarşı savaşan orduda kərküklü, anadolulu, balkanlı türklər var idi. Onlar bu torpaqlarda şəhid olublar. Biz Anadolunun təhlükəsizliyini Qafqazlarda görən Səlcuqluların ideyalarını da rəhbər tutmalıyıq".