Erməni revanşistlərinə Xaçaturyandan sillə kimi cavab - “Realist olun!” - ednews.net

19 Avqust, Cümə

(+994 50) 229-39-11

Erməni revanşistlərinə Xaçaturyandan sillə kimi cavab - “Realist olun!”

Siyasət A- A A+
Ermənistan Respublikasının Prezidenti Vaaqn Xaçaturyan müxalifətin Qarabağ Azərbaycanın tərkibində ola bilməz tələblərini mənasız hesab edərək, onları realist olmağa, siyasi diplomatiyanı başa düşməyə və populizmi ictimai bəyanatlardan fərqləndirməyə çağırıb. 
 
Onun sözlərinə görə, müxalifət bu cür tələblər irəli sürməklə və ifadələr işlətməklə öz manevr hüquqlarını itirir. 
 
Lakin Ermənistan hakimiyyətinin rəsmilərinin regionda sülhün və sabitliyin bərqərar olunmasının zərurəti ilə bağlı açıqlamalar verməsinə baxmayaraq, revanşist qanunsuz Qarabağa səfər edərək təxribatyönümlü manevrlər etməyə çalışıblar.  
 
Belə ki, iyunun 21-23 - də iyunun 21-23 - də Müqavimət Hərəkatının deputatları Qarabağa səfər edərək qondarma parlamentin bütün fraksiyaları, rejimin sabiq dövlər başçıları və digər siyasi füqurlar ilə görüşlər keçiriblər. 
 
Daşnaksütyun partiyasının nümayindəsi İşxan Saqatelyan və “Mənim şərəfim var” blokunun deputatı Tiqran Abrahamyan Azərbaycan ərazisi Qarabağda Müqavimət Hərəkatının təşkil edilməsinin və müdafiə ordusunun yaranmasının vacibliyini vurğulayıblar. Hətta, Ermənistan blokundan olan deputat Aram Vardenyan separatçı nümayindələr ilə görüşdə Qarabağın heç vaxt Azərbaycanın tərkibində olmayacağını bildirib. 
 
Qarabağ məsələsində Ermənistan hakimiyyətinin və erməni müxalifətinin mövqeyində ziddiyyətlər barədə danışan Zərdüşt Əlizadə deyib ki, erməni müxalifətinin başında duran şəxslərin əsas məqsədi hakimiyyəti ələ keçirib erməni xalqını qarət etmək və talamaqdır. 
 
“Erməni müxalifəti Paşinyan hakimiyyətindən daha yaxşı bilir ki, Ermənistanın Qarabağı qaytarmaq üçün heç bir şansı yoxdur. Lakin bu radikal qüvvələr kütlənin cəhalətindən istifadə edib ağlasığmaz və qeyri-gerçək tələblər irəli sürərək xalqı hakimiyyətin üstünə qaldırmağa çalışırlar. Onlar düşünürlər ki, bu yoldan hakimiyyəti devirməyə bacaracaqlar, amma yanılırlar”. 
 
Zərdüşt Əlizadənin sözlərinə görə, sadə erməni xalqının əksəriyyəti vaxtı ilə hakimiyyətdə oturan müxalifət rəhbələrini oğru və rüşvətxor hesab edirlər. 
 
“Deməli, müxalifətin meydanlarda nümayişlər keçirdiyi günlərdə bir sıra jurnalistlər yoldan keçən sadə ermənilərindən müsahibə alırlar. Onlar müxalifətin rəhbərləri barəsində kəskin və sərt ifadələr işlədiblər. Sadə ermənilər hesab edirlər ki, bu talançı Qarabağ klanı və digər siyasi qüvvələr hakimiyyətə qayıtdıqları təqdirdə xalqı yenidən qarət edəcəklər. Odur ki, Ermənistan prezidenti Vaaqn Xaçaturyanın bəyanatı radikal müxalifətə yox, erməni xalqına ünvanlanıb. Xaçaturyan erməni sakinlərinə başa salmağa çalışır ki, xəyallarla yaşamayın, gerçəkliyi başa düşün və anlayan ki, yalnız bu yoldan Azərbaycan və erməni xalqının barışması mümkündür”. 
 
Politoloq, həmçinin qeyd edib ki, erməni xalqının əksəriyyətinin seçkilərdə Paşinyana səs verməklə sülhü və əmin-amanlığı dəstəklədiyini nümayiş etdirdi. 
 
“Biz bilirik ki, Ermənistanın ağır məğlubiyyətə düçar olmasından sonra sadə ermənilərin çoxu əbəs yerə müharibə, ədavat və münaqişə istəməyəcəklər”. 
 
Sonda Z.Əlizadə bildirib ki, erməni müxalifətinin Qarabağda təxribatyönümlü hərəkətləri boşa çıxacaq və heç nəyə nail ola bilməyəcəklər. 
 
“Erməni müxalifəti Qarabağ Ermənistana qayıtmalıdır, Qarabağ müstəqil olmalıdır, Paşinyan getməlidir kimi məntiqi olmayan və mənasız ifadələ səsləndirirlər. Həqiqət ondan ibarətdir ki, Azərbaycan ordusu müharibədə erməni ordusunu darmadağın edib, məhv edib. Ermənistanın radikal ünsürləri anlamalıdır ki, Qarabağ bundan sonra onların əlinə düşməyəcək. Ermənistanın Qarabağda ordu  yaratmaq imkanları yox səviyyəsindədir. Bu dövlətin ordusu müharibədə 450 yaxın tank itirib. O tankları nə ilə əvəz edə biləcəklər? Rusiyada tank zavodları ildə 35 tank istehsal edə bilir. Bu heç Rusiyanın ehtiyaclarını ödəyə bilmir. Eləcə də Qarabağda separatçı ünsürlərin ordu yaratmaq üçün nə pulu, nə də bəşəri qüvvəsi yoxdur. Bölgədə yaşayan 35 min ermənidən ordu yaratmaq qeyri-mümkündür”.
 
Yunis Abdullayev 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...