“Ermənilərin açıqlamalarına heç kəs məhəl qoymur” - Tofiq Abbasov - ednews.net

16 Avqust, Çərşənbə axşamı

(+994 50) 229-39-11

“Ermənilərin açıqlamalarına heç kəs məhəl qoymur” - Tofiq Abbasov

Siyasət A- A A+
“Ermənistan rəsmilərinin açıqlamları bizim üçün heç bir əhəmiyyət kəsb etmir”. 
 
Bu sözləri Ednews - a açıqlaması zamanı politoloq Tofiq Abbasov Azərbaycan və Ermənistanın Zəngəzurdan keçən yol ilə bağlı razılığa gəlməsi barədə danışarkən deyib. 
 
Politoloqun sözlərinə görə, Azərbaycan Ermənistanın hər bir hərəkətlərini və addımlarını izləyir. Onun sözlərinə görə, Rusiya da bu işdə çox maraqlıdır.
 
“Moskva çalışır ki, İrəvanda onun sözünü eşitsinlər. Lakin orada onun sözlərinə hələ ki, məhəl qoymurlar. Belə getsə, Ermənistan proseslərdə tam məğlub tərəf elan olunacaq. Azərbaycan artıq öz işlərinin mühüm hissəsini görüb, inteqrasiya məsələlərində xeyli irəliləyişlər əldə edib. Eləcə də qlobal qüvvələr Azərbaycanı bir mənalı şəkildə dəstəkləyir, Ermənistanın isə nə nüfuzu, nə də hörməti qalıb. Ermənilərin açıqlamalarına heç kəs məhəl qoymur. Bizim üçün əsas odur ki, istəklərimizə nail olaq, onları həyata keçirə bilək. Bunun üçün bizim vasitələrimiz, gücümüz və yaradıcı yanaşmamız var”. 
 
T.Abbasovun sözlərinə görə, Azərbaycan növbəti dəfə Zəngəzur məsələsində Ermənistan üzərində diplomatik qələbə qazanıb. 
 
“Azərbaycan bir qalib dövlətdir. Azərbaycan öz hədəflərini gündəmə gətirir, priotetlərini həyata keçirə bilər. Qarabağda aparılan yenidənqurma və quruculuq işləri göstərir ki, biz erməni tərəfi kimi yalan vədlər vermirik, dediyimiz sözlərin üzərində dururuq və işlərimizi həyata keçiririk. Bütün proseslər Azərbaycanın ssnerasi üzərində gedir. Ölkəmiz məntiqlə hərəkət edir, bundan sonra da edəcək”. 
 
Sonda politoloq Ermənistanın proseslərdən kənarlaşmasının ancaq özünə ziyan verəcəyini bildirib. 
 
“Onsuzda Ermənistanda vəziyyət acınacaqlı durumdadır. Ermənistanın iqtisadiyyatı tənəzzülə doğru gedir, xaricə çıxış yolu yoxdur, o cümlədən bu ölkədə investisiya yatırmaq üçün şərait yox dərəcəsindədir. Azərbaycana isə xeyli investisiyalar yatırılır”.
 
Yunis Abdullayev

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...