İranda molla rejiminə qarşı etiraz aksiyaları fasilə vermədən davam etməkdədir. Dünən axşam aksiyalar Buşehr, Həştgerd, Rəşt, İlam, Tehran, Məşhəd və bir sıra şəhərlərində davam edib. Etirazlarda “Diktatora ölüm!”, “Azadlıq!”, “Bu il başqa ildir, Seyid Əli devrilibdir!” və digər şüarlar səsləndirilib.

Molla rejimi ilin sonuna kimi devrilə bilərmi?

Ednews bu barədə güneyli soydaşımız, siyasi şərhçi Çingiz Göytürkün şərhini öyrənib. O, qeyd edib ki, sosial tələblərlər başlayan aksiyaların son hədəfinin rejim dəyişikliyi olduğu inkar edilməzdir. İranın ən bəsit problemlərin belə həllində aciz olduğunu düşünən aksiya iştirakçılarının önündə artıq rejim dəyişikliyindən başqa bir hədəf görünmür.

“Lakin rejim dəyişikliyinin nə zaman və etirazların hansı mərhələsində  baş verəcəyini söyləmək bir o qədər asan deyil. Etiraz aksiyalarının dərinliyinin və geniş əhatə dairəsini nəzərə alırsaq bu etirazların nə olursa olsun davam edəcəyi aşkardır. İran toplumu artıq geri dönüşü olmayan yola daxil olub. İran adlanan məkanda baş verən proseslər Azərbaycan Milli Hərəkatı qətiyyən ümumiran proseslərinin tərkib hissəsi deyil. Cənubi Azərbaycan da baş verən proseslərlə İranın haqqlı mübarizəsinin yanındadır. Həmsəsdir, amma bu prosesin tamamən bir parçası deyil. Azərbaycanın alternativi bəllidir. Məqsəd Milli Hökümətdir. Milli hökümət deyildikdə isə, Seyid Cəfər Pişəvərinin öndərliyi ilə qurulmuş hökümət nəzərdə tutulur.

İranda son proseslər davam etməkdədir. Prosesslərin hədəfi rejimin dəyişdirilməsi və sonrakı mərhələdə millətlərin düşüncələrinin, azrularının, tələblərinin yer alacağı bir alternativin gerçəkləşdirilməsinə yönəlikdir. İnsanların küçələrdə etirazları rejim dağılana kimi davam edəcək. Artıq xalqın qorxusu yoxdur”.

Oğuz Ayvaz