Separatçıların “dövlət naziri” Ruben Vardanyan Xankəndidə müvəqqəti yaşayan erməniləri şəhər mərkəzində keçiriləcək mitinqə çağırıb.
Ednews xəbər verir ki, bu barədə o, sosial şəbəkədə videomüraciət edib.
Yeri gəlmişkən, saat 14:00-da Xankəndidə böyük mitinq planlaşdırılır. Onlar yolun açılması üçün sülhməramlıların Şuşa yaxınlığındakı postuna yaxınlaşmağa növbəti dəfə cəhd edəcəklər.
Qeyd edək ki, eko-fəallar və QHT təmsilçilərinin Laçın yolunda aksiyası 14 gündür davam edir.
Onlar Rusiya sülhməramlılarının müvəqqəti nəzarətində olan ərazilərdə faydalı qazıntı yataqlarına, xüsusilə “Qızılbulaq” qızıl və “Dəmirli” mis-molibden yataqlarının qanunsuz istismarına etiraz edirlər.