Xəbər verdiyimiz kimi, Azərbaycanın İrandakı səfirliyinə hücum olub. Basqın nəticəsində diplomatik nümayəndəliyin mühafizəçisi Orxan Əsgərov həlak olub. Hadisə zamanı bir nəfər yaralanıb.

 

Ednews-a danışan Milli Məclisisin deputat Fazil Mustafanın sözlərinə görə, İran xüsusi orqanları tərəfindən hazırlanmış bir terror aktıdır. 

 

“Son illər İran və Azərbaycan arasında vəziyyət gərgindir. Bunun səbəbi Ermənistana yönəlik dəstək və Azərbaycana qarşı düşmənçilikdir. Bu ölkədə artıq Azərbaycan səfirliyinə qarşı bir neçə dəfə təxribatlar baş verib.  Azərbaycan səfirliyinin mühafizəsi yüksək səviyyədə təmin edilməli idi. Sıradan keçən adam əlində avtomat güllə açmaq şansına sahib ola bilməz. İran bu hadisəni  da məişət zəminin də baş verən hadisə kimi qiymətləndirməyə çalışırlar. Bu hadisəni üstünü örtmək mümkün deyil. Bu açıq aşkar İran tərəfindən Azərbaycana qarşı edilən bir düşmənçilikdir.

 

Əgər İran bu hadisənin  ədalətli şəkildə  araşdırılmasını istəyirsə,  ora mütləq Azərbaycandan mütəxssizlər dəvət olunmalıdır. Asanlıqla bu məsələnin üstündən keçmək mümkün deyil. Bu bir dövlətin həm də nə qədər güvənsiz beynəlxalq hüquqa zidd mövcudluğunun göstəricisidir. Əgər onlar bir ölkənin səfiriyini qoruya bilmirsə demək bu dövlət ya özü nəzarəti tamamilə itirib,  ya da hadisə  məqsədyönlü şəkildə xüsusi xidmət orqanlarının tapşırığı əsasında gerçəkləşib”.

Deputat həmçinin onu da qeyd edib ki, bu hansısa bir siyasi məqsədlə edilən bir addımdır.

 

“ Bu məsələ xoşagələn istiqamət də getmir. Təbii ki, biz arzu edərdik ki, bu hazırlanmış terror aktı olmasın. Amma işarələr onu göstərir ki, bu olay bilavasitə münasibətlərə zərbə vurmaq üçün atılan bir adıımdır. Bunun da ən böyük zərbəsi elə İranın özünə dəyəcək. Bir ölkə bir elçini qoruya bilmirsə,  bu ölkənin etibarlığı tamamilə ortadan qalxır. Bütövlükdə bu Azərbaycan dövlətinə qarşı yönəlmiş bir təxribatdır”.

 

Aynurə ismayılqızı

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary