Xəbər verdiyimiz kimi, İranın Xoy şəhərində zəlzələdən zərər çəkən azərbaycanlıların problemləri İran hakimiyyəti tərəfindən həll edilmir.  Bir sıra ekspertlər iddia edirlər ki, Tehran bunu qəsdən edir ki, azərbaycanlılar Xoy şəhərindən köçsünlər. Məlum olduğu kimi, İranda son 12 gündə 3 güclü zəlzələ baş verib. Zəlzələlərin ən çox fəsad yaratdığı əyalət isə Xoy şəhəridir.

Məsələ ilə bağlı Ednews-a danışan deputat Aqil Abbas bildirdi ki, baş verənlər faciədir. Heç nəyə baxmadan biz yardımımızı etməliyik.

“Azərbaycan-Ermənistan müharibəsi zamanı İranda zəlzələ olanda Azərbaycandan İrana həkimlər yola salınmışdı, onları qəzaya salıb öldürmüşdülər. İranda faciə olub. Zəlzələ nəticəsində evlər dağılıb. Bizim də yardım etmək imkanımız var. İran bu yardımı rədd etməklə səhv edir. İran hökuməti icazə verməsə, heç nə etmək mümkün deyil. Güman edirəm ki, kənar vilayətlərdə yaşayan azərbaycanlılar köməklərini əsirgəmirlər. İran hökuməti icazə versə, şəxsən özüm də maddi yardım göndərərəm”.

Oğuz Ayvaz 

• Tag:
• “İran yardımı geri çevirməklə səhv edir”