Xəbər verdiyimiz kimi, Rusiyanın İrəvandakı səfiri Sergey Kopırkin Qərbin Azərbaycan və erməni xalqlarının maraqlarına görə narahat olmasına inanmadığını bildirib. O, çıxışı zamanı qeyd edib ki, Rusiya Cənubi Qafqazdan çıxmayacaq. Belə olan halda Rusiya bölgədə nə kimi dəyişikliklər, geosiyasi qarşıdırma yarada bilər?

Bu barədə Ednews-a siyasi ekspert Azad Məsiyev bildirdi ki, Ukrayna müharibəsinə görə Rusiyanın Qərblə əlaqəsi kəsilib. Onun sözlərinə görə, bu səbəbdən Rusiya Şərqə doğru doktrina müəyyənləşdirib: 

“Kreml üçün Cənubi Qafqaz, Türkiyə, İran və ümumən Şərq çox əhəmiyyətlidir. ABŞ və Qərb koalisiyası Rusiyanı bölgədə tam sıxışdırmaq fikrindədir və bu siyasətində Ermənistanın baş nazirindən istifadə olunur. Azərbaycana gəldikdə, 22 fevralda imzalanmış strateji müttəfiqlik bəyannaməsi var, yəni əlaqələrimiz yüksək səviyyədədir. Amma Ermənistan antirus siyasətini gücləndirir. Avropa İttifaqının mülki missiyasını Ermənistanla sərhədə yerləşdirməsi Rusiyanı ikiqat qıcıqlandırır. Ümumiyyətlə, Paşinyan ABŞ-ı əlində alətə çevrilib”.

Əhəd Məmmədli açıqlamasında qeyd etdi ki, əslində səfir bu sözləri deyəndə Ermənistanı nəzərdə tuturdu. Çünki Paşinyan II Qarabağ mühairbəsində məğlub olandan sonra Qərbə tərəf yönəlmə siyasətini tutub.

“Ermənistan demək olar ki, Rusiyanın yanında ümidini tamamilə itirib. O cümlədən erməni xalqının böyük bir hissəsini də qeyd edərdim. Avropa Parlamentinin üzvü, Fransanın Avropa məsələləri üzrə keçmiş naziri Natali Luazo da çıxışında deyib ki, Fransa jandarmları Azərbaycan-Ermənistan sərhəddində, Aİ müşahidəçiləri arasında olacaq. Bu Rusiyanı çox qıcıqlanıdırıb. Rusiya istəyir ki, Ermənistan Qərbə tərəf getməsin. Bunu da mesajlarla Ermənistana ötürür”.   

Oğuz Ayvaz