Xəbər verdiyimiz kimi, Vladimir Putin Rusiya Federal Məclisinə müraciət edib. Müraciətin Amerika prezidenti Co Baydenin Kiyev səfərindən sonra etməsi siyasi olaraq gözlənilən idi. Putin bugünki çıxışnda yenidən Rusiyanın müharibəyə başlamadığını əksinə müharibəni Ukraynanın başladığını deyib. Çıxışında təkcə Ukrayna məsələsi barədə deyil bundan başqa Qərblə bağlı da danışıb.
Putinin çıxışının məqsədi nə idi?
Putinin çıxışını Ednews-a şərh edən politoloq Şahin Cəfərlinin sözlərinə görə, Putin rejimi artıq tükənib: “Putinin çıxışında mən yeni məqam görmədim. Putin ötən müddətdə dediyi fikirləri yenidən təkrar etdi. Bu çıxış bir daha Putin və onun rejimin tükəndiyini əyani sürətdə nümayiş etdirdi.
"Düşünürəm ki, Putinin Rusiya və rus xalqına verəcəyi birşeyi qalmayıb. Gələcəklə bağlı hər hansısa bir vizyon ortaya qoya bilmədi. Çıxışında müəyyən yalanlar da var. Putin guya Rusiya iqtisadiyyatının yaxşı olduğu ilə bağlı bir illuzya yaratmağa çalışır. Biz bilirik ki, Rusiya iqtisadiyyatı heç də yaxşı vəziyyətdə deyil. 2022-ci ildə iqtisadiyyatda geriləmə qeydə alınıb. Putin çıxışında guya iqtisadiyyatın zəifləmədiyini desə də mən düşünürəm bu durum rejim üçün bir fiasko idi. Ukrayna ilə bağlı dediklərində isə Rusiya faktiki olaraq cəbhədə hücumlarını genişləndirməyə çalışsa da bunu bacarmır. Bunun üçün onun heç bir resursu yoxdur. Düzdür səfərbərlik hesabına biraz da olsa canlı qüvvə topladı. Buna görə Donbas bölgəsində lokal irəliləyişlər əldə etdiyini görürük. Bu Ukraynada qələbə üçün yetərli deyil. Rusiyanın heç bir qələbə şansının qalmadığını biz görürük. Bugün ki, çıxışda fərqli qərarlar açıqlayacağını gözləyirdik amma eyni şeyləri Putin təkrar etməklə yetindi”.
Əbülfət Baxşəli
