İsrailin xarici işlər naziri Eli Koen İran və Səudiyyə Ərəbistanı arasında diplomatik münasibətlərin bərpasını şərh edərkən rəsmi Tehranla bağlı sərt açıqlama verib.

 

O bildirib ki, İran öz qonşularını hədələyir. Bu, hətta yaxın qonşular, həmçinin Səudiyyə Ərəbistanı da ola bilər. 

 

“İran xərçəng şişi kimidir. Hansı ölkəyə müdaxilə edirsə, oranı dağıdır. İran dünyada terror maliyyələşdirən bir nömrəli ölkədir”. 

 

İsrail XİN rəhbərinin bu açıqlamasını Ednews-a şərh edən siyasi ekspert Sədrəddin Soltan bildirib ki, həm İsrail, həm də ABŞ İranı dünyanın şər bucağı, terroru maliyyələşdirən ölkə kim tanıyır.

 

“ABŞ fars ordusunun əsas qüvvəsi sayılan İran İnqilab Keşikçiləri Qvardiyası – SEPAH-ı terrorçu təşkilatlar siyahısına daxil edib. Avropa İtifaqı və Böyük Britaniya da SEPAH-ın terrorçu təşkilatlar siyahısına daxil edilməsi məsələsini nəzərdən keçirir. İranın Livanda Hizbullah vasitəsilə ölkədə apardığı pozuculuq fəaliyyəti, Suriyada Bəşər Əsəd rejimini himayə etməsi və orada Qüds Qüvvələrini saxlaması, İraqda öz ordularını yerləşdirmiş olması, Yəməndə husi qiyamçılarına dəstək verməsi və s. hadisələr bütün region ölkələrinə bəllidir. İran regionda gərginlik yaratmaqla məşğuldur. Uzağa getməyə ehtiyac yoxdur – Azərbaycanın sərhədboyu ərazilərində İrana məxsus hərbi təyyarələrin manevr etməsi, Ermənistanı daim müdafiə etməsi və son olaraq Tehranda səfirliyimizə edilən xain hücum da İran hakimiyyətinin Cənubi Qafqazda sülh və təhlükəsizliyə daim təhdid olmasını, pozuculuq fəaliyyətinı, terrora dəstək verməsini təsdiqləyən faktlardır”. 

 

 

O vurğulayıb ki, dünyada heç bir ölkə terrordan sığortalanmayıb, hətta İranın özü belə:

 

“Terrora qarşı mübarizə aparmaq, ondan müdafiə olunmaq bütün ölkələrin təhlükəsizliyinin əsasını təşkil edir. Ona görə də bütün ölkələr təhlükəsizliyə dair digər məsələlərlə necə məşğul olurlarsa, terrora qarşı da eyni şəkildə mübarizə aparmalıdırlar. Terror heç bir dövlətdən yan keçmir, hətta İranın özündən belə. Terrorla mübarizə birbaşa milli təhlükəsizlik məsələsidir”.

 

 

Törə Zeynallı

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary