Xəbər verdiyimiz kimi, azərbaycanlılar Ermənistanın basdırdığı minalar nəticəsində həlak və şikəst olmaqda davam edir. Azərbaycan XİN-in Tvitter hesabında bildirilib ki, aprelin 2-də azərbaycanlı hərbi qulluqçu minanın partlaması nəticəsində həlak olub. 2020-ci il müharibəsinin sonundan bəri 288 azərbaycanlı minaya düşüb, onlardan 50-si həyatınıı itirib. Beynəlxalq ictimaiyyət Ermənistanın yaratdığı mina təhlükəsindən narahatlığını ifadə etməlidir.

Hansı prosedurlar həyata keçirilməlidir ki, ermənilər mənfur əməllərinə görə beynəlxalq arenada ifşa olunsun?

Bununla bağlı Ednews-a danışan hüquqşünas Əsabəli Mustafayev bildirdib ki, ilk növbədə təbliğat, təşviqat kampaniyası təşkil edilməlidir. Bütün beynəlxalq aləmdə. Təkcə ölkə daxilində deyil. Çünki ölkə daxilində özümüz yazırıq, özümüz oxuyuruq, münasibət bildiririk. Bu heç nəyə təsir etmir. 

“BMT, Avropa Şurası kimi nüfuzlu beynəlxalq qurumlarda bu məsələni qaldırmaq lazımdır. Bu məsələnin baxılmasını, müzakirəyə çıxarılmasını tələb etmək lazımdır. Minalanmış ərazinin xəritəsinin Azərbaycana verilməməsi və bunun nəticəsində müharibədən sonrakı dövrdə 50 nəfərin həlak olması ilə bağlı. Digər tərəfdən isə bu məsələni Avropa Məhkəməsinə daşımaq lazımdır. Müraciət etmək lazımdır. Həlak olan insanların ölümləri, zərərçəkənlərin hüquqları. Avropa Məhkəməsi Ermənistana öhdəlik qoymalıdır. Minalanmış ərazilərin dəqiq xəritəsi Azərbaycana verilməlidir”. 

Oğuz