Son zamanlar İranın Azərbaycana qarşı təxribat xarakterli hərəkətləri, SEPAH-ın təhdidləri iki ölkə arasında gərginliyi pik həttə çatdırıb. Son olaraq, Azərbaycan ərazisindən çıxarılan 4 diplomatı iranlı vəziyyəti daha da çətinləşdirib. Bununla bağlı İran Xarici İşlər Nazirliyi Azərbaycanın “qarşılıqlı diplomatik addım”na cavab verəcəklərini bildirib. 

Bir növ gərginliyin azaldılması üçün Azərbaycan Respublikasının xarici işlər naziri Ceyhun Bayramov ilə İran İslam Respublikasının xarici işlər naziri Hüseyn Əmir Abdullahian arasında telefon danışığı baş tutub.

Maraqlıdır, bu danışıqlar iki ölkə arasında gərginliyə necə təsir edə bilər? Həqiqətənmi, bu münasibətlərə ciddi təsir göstərə bilərmi? 

Qeyd edək ki, iki ölkə arasında iqtisadi və ticari qarşılıqlı əməkdaşlıq, İran, Azərbaycan və Rusiya arasında tranzit yolları, eləcə də Naxçıvana keçid üçün İranın kommunikasiya yolundan istifadə edilir. 

“İki ölkə arasındakı danışıqlar mövcud problemləri bir-birinə açıq şəkildə bəyan etməsi üçün şərait yaradır”.

Bu sözləri Ednews -a açıqlamasında Orta Doğu Araşdırmalar Mərkəzinin rəhbəri, siyasi şərhçi Sədrəddin Soltan deyib.

O, qeyd edib ki, hər iki ölkənin XİN başçıları arasında olan telefon danışığı gərgin münanasibətlərin diplomatik yolla həlli üçün cəhdir.

“Prespektiv olaraq Azərbaycanın İran tərəfi qarşısında qaldırdığı məsələlərə münasibətindən bilinəcək. İlk növbədə Tehranda olan səfirliyimizə qarşı Rəsmi Bakının irəli sürdüyü şərtlərə əməl olunması vacib məsələdir. Bura terrorçunun mühakiməsində Azərbaycan tərəfinində iştirak etməsi, terror təşkil edənlərinin cəzalandırılması aiddir”. 

Politoloqun sözlərinə görə,  İran ərazisində olan Azərbaycanın səfirliyi və konsulluğunun, habelə orada işləyən əməkdaşların təhlükəsizliyi təmin olunmalıdır. 

“Bütün bunlar İran-Azərbaycan münasibətlərində yaranmış gərginliyin bir qismidir. Tərəflər arasında münasibətlərin normallaşdırılması üçün kompleks məsələlərin işlənməsinə ehtiyac var”.

Aysel Şahmar