Ermənistanın "Vətəndaş müqaviləsi" fraksiyasının deputatı Armen Xaçatryan açıqlamasında bildirib ki, Azərbaycan hərbçilərinin istintaq bitənə qədər Bakıya qaytarılmayacaq.
"Bu əsirlərin erməni hərbçiləri ilə dəyişdirilməsi gündəmə gəlsə belə, ilk növbədə onların törətdikləri cinayətlərin bütün şəraitlərini araşdırmaq lazımdır və yalnız bundan sonra bu cür razılaşmaları müzakirə etmək olar", - deyə, erməni deputat bildirib.
Məsələ ilə bağlı Ednews-a danışan Milli Məclisin deputatı Aydın Hüseynov deyib ki, bu cür prosseslər beynəlxalq təcrübə əsasında aparılmalıdır:
"Bizim əsgərlərimiz hava şəraitilə əlaqədar olaraq yollarının itirblər və Ermənistan ərazisinə keçiblər. Ermənilər onlara necə davrandığını da bütün dünya gördü. Əsirlərlə bu cür rəftar heç bir beynəlxalq hüquqa, heç bir konvensiyaya sığmır və Ermənistanın necə vəhşi dövlət olduğunu, beynəlxalq hüquqa nə qədər hörmətsiz yanaşdığının şahidi olduq. Bu görüntülərin hələ sosial şəbəkələrdə görünən hissəsidir. 30 il ərzində bizim mülki vətəndaşlarımızla, əsgərlərimizlə nə qədər vəhşicəsinə davrandığı ortadadır.
Bizim əsgərlərimizə qarşı qondarma bir cinayət işi qurublar. Onun heç bir hüquqi əsası yoxdur. Əgər Ermənistan təkcə özü istintaq aparsa yüz dənə cinayəti əsgərlərimizin üstünə atacaqlar. Buna görə də bizim əsgərlərimiz beynəlxalq səviyyəli vəkillərlə təmin olunmalıdır. Beynəlxalq ictimaiyyət bu prossesdə yaxından iştirak etməlidir. Azərbaycanlı vəkillərin də bu məhkmədə iştirakı təmin olunmalıdır ki, doğurdanmı bizim əsgərlərimiz cinayət törədib.
Əsirlərin dəyişdirilməsi ilə bağlı isə dünyada beynəlxalq təcrübə var. Bu təcrübələr əsasında da bu prosses baş tutmalıdır, Ermənistanın qoyduğu şərtlərlə yox. Onsuz Ermənistandan ötrü beynəlxalq hüquq heçnədir, halbuki, Ermənistanın özü heçnədir. Mən düşünürəm ki, Ermənistanın bu addımlarına hüquqi qiymət verilməlidir".
Əbülfət Baxşəli