Aprelin 26-28-də Fransanın Xarici İşlər naziri Katrin Kolonna Azərbaycan, Ermənistan və Gürcüstana səfər edəcək.
Görüş zamanı hansı məsələlər müzakirə oluna bilər? Çünki Fransa dünyaya hər zaman erməni müdafiəçiləri kimi tanınıblar. Əsasən 44 günlük Vətən müharibəsi zamanı və ondan sonra daha aktivləşən Fransız siyasətinin başında isə president Emanuel Makron durur.
Bəs, bu görüşün əsas mahiyyəti nə ola bilər?
“Görüş zamanı Azərbaycan Respublikası Dövlət Sərhəd Xidmətinin bölmələri tərəfindən ölkəmizin suveren ərazilərində, Ermənistan ilə sərhəddə, Laçın-Xankəndi yolunun başlanğıcında sərhəd-buraxılış məntəqəsi qurülması məsələsi də müzakirə olunacaq”.
Bunu Ednews-a açıqlamasında politoloq İlqar Vəlizadə deyib.
O, bildirib ki, səfərdə diplomat Laçın-Xankəndi yolundakı vəziyyəti müzakirəsi gözlənilir.
“Fransanın XİN başçısı Katrin Kolonnanın Azərbaycana səfəri gözlənilən idi. Burada hər ölkə üçün müəyyən gündəlik və danışıqlar nəzərdə tutulub. Amma düşünürəm ki, Cənubi Qafqaz regionunda ən gərgin görüş Azərbaycanla olacaq. Çünki, təəssüflər olsun ki, Fransanın ermənipərəst mövqeyi regionda yaranan proseslərə obyektiv yanaşmağa qoymur. Həmçinin, Fransanın rəsmiləri də son zaman kifayət qədər çox təzadlı fikirlər söyləyirlər. Görüş zamanı Azərbaycan Respublikası Dövlət Sərhəd Xidmətinin bölmələri tərəfindən ölkəmizin suveren ərazilərində, Ermənistan ilə sərhəddə, Laçın-Xankəndi yolunun başlanğıcında sərhəd-buraxılış məntəqəsi qurülması məsələsi də müzakirə olunacaq”.
Politoloq eyni zamanda Ermənistanın qaldırdığı bütün məsələlər Fransa tərəfindən diqqətə çatdırılacacğını qeyd edib.
“Yəni, Ermənistan iddia edir ki, Azərbaycan guya ki, Ermənistanın hansısa sərhəd torpaqlarını zəbt edib və yaxud Qarabağda yaşayan erməniləri blokadaya salıb. Çox güman ki, Fransa XİN-i tərəfindən bu məsələlər dilə gətiriləcək. Fransa Azərbaycanın əsaslı faktlarını, dəlillərini görməzdən gəlir. Yenə də öz mövqeyində dayanır. Məncə, bu görüş digərlərindən fərqlənməyəcək. Səfərdə ola bilər ki, daha diplomatik davranışlar qeydə alınacaq. Amma səfərin nəticəsi inanmıram ki, Fransa-Azərbaycan münasibətlərini normallaşdıra bilsin”.
Aysel Şahmar
.jpg)
