Turan səması kimin olacaq? Boinq yoxsa Airbus?
"Fly One Armenia"-nın uçuşları niyə məhz bu günlərdə yasaqlandı?
Turan səmasının açarları, keysi, İlham Əliyevdədir?
Avropa uduzur? ABŞ isə...
Avropadan Turana gedən bütün hava dəhlizləri Azərbaycan marşrutludur? Fransa, Avropa Aerokosmik “S.A.S” nəhəngi bizimlə hesablaşmağa məcburdurlar? Mövzu, 1-2 ildir, dünya nəhənglərinin masası üzərindədir?
“S.A.S” uduzdu?
Erməni səhmdarlarının nazıyla çox oynadı? Nəticədə sifariş keysi keçdi “Boeing”-ə?
İlham Əliyev, Stenli Dili bu səbəbdən qəbul etdi?
Sinxron olaraq Ceyhun Bayramov indi Parisdə yox, ABŞ-dadır?
Keys, “Boeing”-dədir.
Qarabağın taleyi yerdə yox, səmada həll edildi?
Bu haqda ayrıca məqaləmiz var!
Turanın nəhayətsiz quru əraziləri, dünya supergücləri arasında, düşmən malı kimi, çoxdan, bəli, çoxdan bölüşdürülsə də...
Bu Çingiz xan mirasının tükənməyən hələ də ölçüsüz sərvətləri var.
Turanın ucsuz-bucaqsız ərazisi, təbii sərvətlər mövzusunu ataq hələlik bir yana. “Turan səması” mövzusu da, bu gün dünya maliyyə borsalarının, investisiya fondlarının bir saylı hədəfidir.
İndi Paris, London, Pekin, Moskva investorları, maliyyə baronları, borsaları bu Turan səması uğrunda ağazlarını suladan böyük iştahaya düşüblər.
İşarələdiyim bu aerokosmik mövzunun ilk abzasları, düzü, əvvəllər Turan yox...İran hava ərazisi ilə əlaqədardı.
Dünya səmasını, aerodaşımaçılıq xəttlərini öz aralarında bölüşmüş Airbus və Boeing kimi nəhənglər, bəli, əvvəlcə Turan yox, məhz İran hava ərazisi uğrunda savaşa girişdilər. 2015-ci il 15 dekabr tarixində, dünya supergücləri, dəqiq desək, BMT Təhlükəsizlik Şurası üzvləri bir araya topalanaraq qərar verdilər-İran, başıbəlalı öz atom dosyesini, uluslararası “ International Atomic Energy Agency” qurumunun videomüşahidə kameralarına təslim edir. Əvəzində öz neftini dünya bazarına axıdır.
Ancaq ortada bir “əmma” da vardı-İran, bu neft gəlirlərini, özbaşına xərcləməməli, əvəzində Avropadan 300-ə yaxın Airbus A380 təyyarələrini sifariş etməliydi.
İkinci “əmma” isə lap qəliz idi.
ABŞ demokratları, Barak Obamanın imzaladığı bu sazişi mehafizəkar respublikaçılar süngü ilə qarşıladılar. Sonra Don Trampın səyi ilə tam sıfırladılar.
Uduzan Fransaydı.
Sifariş, ölkənin Tuluza şəhərindəki nəhəng “S.A.S” Qapalı Səhmdar cəmiyyəti tərəfindən reallaşdırılsaydı, həəə...rəqib BOİNG şirkətinin eşşəyi, düzü, təyyarəsi öləcəkdi.
Boinglə Airbus şirkətləri arasında qanlı qarşıdurma çoxdanın söhbətidi. Mövzu, sizi çox maraqlandırırsa italyanların 1979-cu ildə çəkdiyi “Concorde Affaire” kriminal filminə bir də mən deyən nöqtədən baxın. Suallarınınzın hamısına tamaşadan sonra cavab tapacaqsınız.
Qayıdaq müasirliyə.
Beləliklə, Trampın səyi nəticəsindsə,İranın “Atom dosye” keysi, Avropa bazarında yiyəsiz qaldı. İranın hava ərazisi, mülkü təyyarə parkının taleyi də, elə, havadan asılı vəziyyətə düşdü.
Əvəzində Turan səması, Turan coğrafiyası mövzusu, gözqamaşdırıcı bir parıltıyla, dünya investisiya fondlarının bir saylı hədəfinə çevrildi.
Türk Dövlətləri Təşkilatı üzvləri, ilk növbədə Ərdoğanla Tokayev, İlham Əliyev, bilin, romantik deyillər. Bilirlər-Turan ideyası, iqtisadi məzmunsuz qalarsa, ölümə məhkumdu. Bilirlər-Turanın quru ərazisi hə, təəssüf olsun ki, Çin, Rusiya, ABŞ maraqları dairəsindədir. Ancaq Turanın hava ərazisi hələki sahibsiz, layihəsizdi. Özünün nəhəng aero investorlarını gözləyir.
“Turan səması” keysi hə, bu andan etibarən düşür Tokayevlə Ərdoğanın, Əliyevin güclü iti caynaqlarına. Tokayev detalları əvvəlcə Çinlə razılaşdırır.
Mövzu, Səmərqənddəki növbəti “türk zirvəsində” müzakirəyə çıxarılaraq dönür Türk dünyasının bir saylı investisiya layihəsinə.
Layihə, iqtisadi bazis kimi, qoyulur yaranmaqda olan Turan investisiya fondunun əsasına. Projenin səhmləşdirilməsi, kapitallaşmağı, reklamı artıq real konturlar qazanmağa başlayır.
Hadisələrin gur axarını izləyək-əvvəlcə Şafqat Mirzioyev, Fransaya gedib aerokosmik sahədə böyük anlaşma imzalayır. Sonra, Tokayev tələsir Fransaya.
Beləliklə, türk dünyası, Makronun masası üzərinə öz nəhəng “Turan” investisiya layihəsini atıb.
İran keysini itirən Fransa, Avropa aerokosmik sənayesi üçün bu, göydəndüşmə son şansdı.
Tuluzudakı nəhəng “S.A.S” aerokosmik şirkəti ovuclarını sürtür bir-birinə.
Erməni səhmdarlar qalırlar yana-yana.
Bax budu Ərdoğan, Tokayev, İlham Əliyevin uzaqgörən iqtisadi zehni.
Makronla da qarşıdurmanı bax bu nöqtədə həll edəcəyik.
Görərsiz.
Ilham Əliyevin Dubaya, Birləşmiş Ərəb Əmirliklərəinə son səfəri də zamanı bu keys, sözsüz, baş müzakirə mövzusuydu.
Qısası, təyyarələr Avropanındı, əməliyyatçı isə “EMİRATES AİRLİNES”, “QATAR AİRWAYS” şiirkətləri.
İndi bildizmi BMT-dəki son səsvermədə ərəb şeyxləri, rəsmi Dubay niyə Fransanı yox Azərbaycanı seçdilər?
P.S. Avropadan Turana gedən bütün hava dəhlizləri Azərbaycan marşrutludur. Fransa, Avropa Aerokosmik “S.A.S” nəhəngi bizimlə hesablaşmağa məcburdurlar. Mövzu, 1-2 ildir, dünya nəhənglərinin masası üzərindədir. Ancaq ““S.A.S” deyəsən uduzdu. Erməni səhmdarlarının nazıyla çox oynadı. Nəticədə sifariş keysi keçdi “Boeing”-ə.
İlham Əliyev, Stenli Dili bu səbəbdən qəbul etdi.
Sinxron olaraq Ceyhun Bayramov indi Parisdə yox, ABŞ-dadır.
Keys, “Boeing”-dədir.