Mayın 2-dən 3-ə keçən gecə Kremlə dronlarla hücum edilməsi barədə yayılan xəbərlər hələ də ən çox müzakirə olunan mövzulardandır. Məsələdə olan müəmmə hələ də öz sirrini qoruyub saxlayır.
Rusiya tərəfi iddia edir ki, iki dron gecə saatlarında Moskvada Kreml sarayını vurub və bu təxribat Putini öldürmək cəhdidir.
Rusiya xəbər agentlikləri hadisə vaxtı Putinin Kremldə olmadığı haqqında məlumat yayıb. Rusiya müdafiə qüvvələri tərəfindən drondanlar zərərsizləşdirilib.
Hadisə barədə rəsmi Kiyev qeyd edib ki, dron hücumu ilə heç bir əlaqəsi yoxdur.
Bəzi siyasi analitiklər hadisəni Putinin “böyük planı” adlandırıblar. Belə ki, onların proqnozlarına görə, Rusiya Ukraynada "genişmiqyaslı hərbi əməliyyat"a başlamaq istəyir, elə bu səsəbdən də belə bir təxribata əl atıb. Çünki Kreml dünyada demək olar ki, səmadan belə ən güclü qorunan hökümət binalarından biridir. Bu cür hücumların həyata keçirilməsi qeyri-mümkün görünür.
Analitiklər qənaətinə görə, rəsmi kreml Ukraynadakı müharibəni Rusiya üçün birbaşa ekzistensial təhlükə kimi qələmə vermək üçün informasiya kampaniyasını gücləndirmək niyyətindədirlər.
Məsələ ilə bağlı Ednews-a danışan Rusiya Beynəlxalq Münasibətlər Şurasının eksperti, politoloq Aleksey Naumov məsələni başqa aspektdən şərh edib. O, qeyd edib ki, bu tip pilotsuz uçuş aparatları döyüş meydanları üçün yeni üsuldur və onları təyin etmək bəzən çətin olur.
“Çünki, türk bayraqtarları, riperlər və ya orlanlar kimi bizə məlum olan kifayət qədər böyük pilotsuz uçuş aparatlarından fərqli olaraq, bu, hava hücumundan müdafiə silahlarından istifadə etməklə aşkarlanması praktiki olaraq çox çətin olan kiçik bir cihazdır. Çünki tarixi hava hücumundan müdafiə silahları təyyarələr kimi hədəfləri aşkar etmək üçün yaradılıb. Biz başa düşürük ki, onlar plastikdən yığıla bilər, hərəkət edən hissələr istisna olmaqla, onları aşkar etmək demək olar ki, qeyri-mümkündür. Bu, bütün tərəflərin indi uyğunlaşdığı yeni müharibə üsuludur. Pilotsuz təyyarələri aşkar etmək çətin olduqda və kütləvi istifadə üçün onları vurmaq iqtisadi cəhətdən mümkün deyil, çünki onları raketlərlə məhv etmək dronların özündən daha baha başa gəlir.
Politoloq həmçinin bildirib ki, araşdırmalardan sonra Kremlə kimin hücum etməsi bəlli olacaq.
“Həqiqətən də hücum edən tərəfin Ukrayna olub-olmamasına gəlincə, bu suala birmənalı cavab verə bilməyəcəyimiz aydındır. İndi cinayət işi başlanıb və müvafiq olaraq faktların açıqlanmasını gözləyirik”.
Söhbət zamanı Aleksey Naumov insidentin qəsdən Rusiya tərəfindən törədilməsi barədə səslənən iddialara da aydınlıq gətirib.
“Biz başa düşürük ki, Ukraynanın bu cür əməliyyatlar üçün komandanlıq sistemi son dərəcə dağınıqdır və kobud desək, Sankt-Peterburq partlayışında və ya Darya Duqinanın öldürüldüyü əvvəlki teraktda gördüyünüz kimi, Ukrayna qrupları üçüncü şəxslər vasitəsilə avtonom şəkildə fəaliyyət göstərirdilər. Yəni biz dəqiq bilmirik ki, əmri kim verib. Buna görə də, deyək ki, Krım körpüsündə aparılan istintaq məsələnin harada və nə vaxt baş verdiyini kifayət qədər inandırıcı şəkildə göstərdi. Ona görə də indi biz nəticə çıxarmaq yox, ancaq versiyalar irəli sürə bilərik, çünki birmənalı nəticə çıxarmaq üçün bilməli olduğunuz məlumat hələ bizdə yoxdur”.
Nurlana Hacıyeva
