“Rəcəb Tayyib Ərdoğanın yenidən Türkiyənin prezidenti seçilməsi ikiqat bayram xəbəri oldu. Onun 28 Mayda qalib gəlməsi Azərbaycan üçün sevinc bəxş etdi. Azərbaycan insanı bu qələbəni gecə saatlarına kimi qeyd etdi. O, türk xalqının etimadını, sevgisini qazanaraq seçildi. Qardaş Türkiyə seçki sınağından başı uca çıxdı”.
Bu sözləri Ednews-a Beynəlxalq Avrasiya Mətbuat Fondunun (BAMF) prezidenti Umud Mirzəyev Türkiyədə keçirilən prezident seçkilərindən danışarkən deyib.
“Seçkilər çox çətin və gərgin şəraitdə keçdi. Çünki Türkiyədə ilk dəfə idi ki, seçkilər ikinci tura qalırdı. Mayın 14-də keçirilən seçkinin ilk turunu R.T. Ərdoğan öndə bitirsə də, lakin lazım olan 50 faiz baryeri keçə bilmədi. Buna görə də seçilər 14 gün sonraya qaldı”.
O, qeyd edib ki, Rəcəb Tayyib Ərdoğan Türkiyə və Türk dünyası üçün hələ bundan sonra da böyük işlər görəcək. Qardaş ölkə Rəcəb Tayyib Ərdoğanın rəhbərliyi ilə müdafiə sənayesi sahəsində qazandığı uğurları daha da genişləndirəcək.
“Beynəlxalq güclər, böyük qüvvələr hesablamışdılar ki, regionda siyasəti dəyişə biləcəklər. Ərdoğan onlara həmişə olduğu kimi pərişanlıq yaşatdı. Biz inanırıq ki, artıq türk dilli dövlətlərin yəni Turanın taleyi həll olundu. Ərdoğan seçilməsəydi PKK, ASALA kimi terror qrupları regionu paliqona çevirə bilərdi. Ərdoğanın yenidən seçilməsi bu məsələlərin qarşısını aldı. Biz anlayırıq ki, ölkənin iqtisadi durumu pis ola bilər, amma bu vəziyyətə görə ölkənin strateji mövqeyini, uzaq siyasi maraqlarını heç bir zaman qurban vermək olmaz. Bizim dədələrimiz, babalarımız mövcud sərhədləri, statusu, dövləti bir qarnı ac, bir qarnı tox qurub yaradıblar. Nəyinsə arxasınca gedib qurban vermək olmaz”.
U.Mirzəyevin qeyd edib ki, Ərdoğanın qələbəsini ilk olaraq Prezident İlham Əliyev təbrik etməsi iki qardaş ölkə arasında olan böyük sevgi , günü-gündən möhkəmlənən dostluğun göstəricisidir.
“Türkiyə Prezidenti dünyada da böyük nüfuza sahibdir. O, müxtəlif coğrafiyalardə Türkiyənin maraqlarını qətiyyətlə və prinsipiallıqla qoruyur.Həmçinin Rəcəb Tayyib Ərdoğanı Azərbaycanda da çox sevirlər. Çünki o, Vətən müharibəsi dövründə Azərbaycana siyasi və mənəvi dəstək verdi. Ərdoğanın seçilməsi Azərbaycanla Türkiyə münasibətlərini daha da möhkləmləndirəcək. İki qardaş ölkə həmrəy, birlik nümayiş etdirərək gələcəkdə böyük işlər görəcək. Hesab edirəm ki, Türkiyə və Azərbaycanın Cənubi Qafqazda ağırlığı, nüfuzu güclənəcək. İqtisadi, hərbi məsələlər arasında da əlaqələrimiz inkişaf edəcək. Azərbaycanla Türkiyə arasında müttəfiqlik daha da güclənəcək və bu bizə Qarabağda yerdə qalan məsələləri də həll etməyə imkan verəcək. Ərdoğanın qələbəsi erməniləri də məyus edib. Baxmyaraq ki, Paşinyan da Ərdoğanı təbrik edənlər arasında idi. Ermənistan sülh müqaviləsindən yayına bilməyəcək. Tezlikə Azərbaycanı və Türkiyəni işıqlı günlər gözləyir”.
Oğuz
