Xəbər verdiyimiz kimi bu gün İsrail Dövlətinin Prezidenti İshaq Hersoq Azərbaycan Respublikasına rəsmi səfərə gəlib. Səfər çərçivəsində Azərbaycan Prezidenti İlham Əliyevin ölkəmizdə rəsmi səfərdə olan İsrail Prezidenti İshaq Hersoq ilə görüşü olub.
“Azərbaycan və İsrail arasında uzun illərinə tarixinə əsaslanan əməkdaşlıq, dostluq və müttəfiqlik münasibətləri mövcuddur”.
Bu sözləri Ednews-a açıqlmasında politoloq Amid Əliyev söyləyib. O qeyd edib ki, İsrail dövləti Azərbaycanın müstəqilliyini tanıyan ilk dövlətlərdən biri olub və keçən 30 il ərzində beynəlxalq arenada Azərbaycanın haqlı mövqeyini hərtərəfli dəstək göstərib.
“II Qarbağa müharibəsi zamanı İsrail tərəfindən Azərbaycana tədarük edilən yüksək səviyyəli silahlar qələbəmizdə rolu oldu. Müharibədən sonra isə Qarabağ iqtisadi rayonunun yenidən qurulmasında da İsrail şirkətləri mühüm rolu var. Xüsusilə Zəngilanda kənd təssərüfatının yenidən qurulması məhz İsrail mütəxəssisləri tərfindən icra olunur. Bununla yanaşı, İsrail hər zaman yəhudi xalqının Azərbaycanda sərbəst və demokratik mühitdə yaşaması faktını hər zaman yüksək qiymətləndirib. Ksenofobiyanın olmadığı, tolerantlıq və dini dözümlülüyün hökm sürdüyü bir şəraitdə Azərbaycanda yaşayan yəhudilər hər zaman dövlət siyasətini dəstəkləyiblər. Hər iki Qarabağ müharibəsi zamanı azərbaycanlı yəhudilər müqqədəs amal uğrunda öz canlarından belə keçərək şəhidlik zirvəsinə yüksəliblər”.
Politoloq müasir zamanda İsrailin Azərbaycanın enerji ehtiyatlarını ən çox idxal edən dövlətlər sırasında olduğunu vurğulayıb:
“Öz növbəsində də Azərbaycan İsrailin yüksək texnologiyalı silahların idaxlında da maraqlıdır. Bunlarla yanaşı hər iki dövlət bölgədə sülh və təhülkəsizliyin təmin olunması məsələsində ortaq baxışa malikdirlər. İsrail xüsusilə İran tərəfindən olan təzyiqlər fonunda Azərbaycana bu dəstəyin daha yüksək səviyyədə göstərilməsini davam etdirir. İki ay öncə Azərbaycan səfirliyinin Təl-Əvivdə açılması faktı isə hər iki dövlət arasında diplomatik münasibətləri mahiyyətcə yeni mərhələyə gətirdi. Hazırda Azərbaycan-İsrail münasibətləri siyasi, itisadi, mədəni və hərbi əməkdaşlıq səviyyəsinə ən yüksək səviyyədə qarşılıqlı olaraq inkişaf edir. İsrail bölgədə Azərbaycanın təhlükəsizlik, güc və söz mərkəzi olması işini təşviq edir. Azərbaycan da öz növbəsində İsrailin Yaxın və Orta Şərq bölgəsi eləcə də Qafqazda maraqlarının qorunmasında öz töhfəsini verir. Beləliklə, hər iki dövlət arasında münasibətlərin daha da inkişaf etdirilməsi məqsədilə müzakirə ediləcək sahələr və məsələlər çox vektorludur”.
Aysel Şahmar
