Xəbər verdiyimiz kimi, Türkiyə Prezidenti Rəcəb Tayyib Ərdoğan Azərbaycana gəlib. Bu, onun mayın 28-də təkrar prezident seçilməsindən sonra xarici ölkəyə ilk səfəridir.
Ərdoğanın Azərbaycana səfəri iki dövlət arasında iqtisadi, siyasi məsələləri inkişaf etdirəcək? Cənubi Qafqazda geosiyasi vəziyyət barəsində müzakirələr olacaqmı?
Bu barədə Ednews-a türkiyəli politoloq Muhammed Kutlu bildirdi ki, gündəmdə qardaşlıq var, başqa məsələlər təfərrüatlıdır. Zaman keçdikcə qardaş ölkələrin sayının artacağına və bu səfərlərin əhatə dairəsinin genişlənəcəyinə ürəkdən ümid edirik. Bu səbəbdən iki liderin danışıqlarında prioritetin “qardaşlıq” olduğunu və başqa məsələlərin gündəmə gəldiyini rahatlıqla deyə bilərik. Çünki qardaşlıq, birlik varsa, həlli olmayan problem yoxdur:
“Türkiyə ilə Azərbaycan arasındakı münasibətlər həqiqətən də ulu öndər Heydər Əliyevin yığcam ifadəsi ilə dediyi kimi, “İki dövlət bir millətdir”. Bu qardaşlığın möhkəmlənməsinə və artmasına eyni vaxtda iki qardaş ölkənin sükanı arxasına keçmiş Rəcəb Tayyib Ərdoğan və İlham Əliyevin liderlik xüsusiyyətlərinə və milli şüuruna borcluyuq. Hər iki lider dövlətlərini inkişaf etdirib, iki ölkə arasında qardaşlıq əlaqələrinin və əlaqələrinin möhkəmlənməsi üçün də fədakar və səmimi səylər göstəriblər. Xüsusilə Türkiyəni nəzərə alsaq; Rəcəb Tayyib Ərdoğanın öz milləti üçün cəsarətli və fədakar anlayışı Azərbaycanla, Osmanlı coğrafiyasının digər tarixi ölkələri və Orta Asiyada türk dövlətləri ilə əlaqələrin daimi inkişaf tendensiyasında olmasını təmin etmişdir”.
Siyasi şərhçinin sözlərinə görə, qərb güclərinin açıq dəstəyi ilə seçkilərə qatılan müxalifətin prezidentliyə namizədi Kamal Kılıçdaroğlu seçkilərdən bir müddət əvvəl elan etdiyi “İpək Yolu” adlanan layihədə Azərbaycandan və Zəngəzur dəhlizindən yan keçərək, parlamentdən razılıq almayıb:
“ Kılıçdaroğlu seçimi itirdi. Bu seçki məğlubiyyətində Türkiyə ilə Azərbaycanı ayırmağa çalışanlara xalqımızın reaksiyası da var. Nəticədə qorxu qalmadı, Ərdoğan seçkidə qalib gəldi və yenidən Prezident oldu. Bu kontekstdə inanıram ki, qarşıdakı dövrdə iki qardaş ölkə arasında əlaqələr iqtisadi və mədəni baxımdan daha da möhkəmlənəcək. Onu da bildirmək istəyirəm ki, iki qardaş ölkə arasındakı bu yaxşı münasibətlər Türk Birliyinin digər qardaş ölkələrə nümunə olaraq daha sürətlə və daha güclü şəkildə əldə olunmasına səbəb olacağına inanıram. Ərdoğanın yenidən prezident seçilməsi ilə başlayan yeni dövrdə Ermənistan da ağıllı davranmağı öyrənəcək”.
O, sonda qeyd etdi ki, Ermənistan Türkiyə ilə Azərbaycanın qardaşlığını gördükdən sonra başqa cür hərəkət etməsi mümkün deyil:
“Paşinyan bundan sonra Zəngəzur dəhlizinin reallaşmasında çətinlik yaratmayacaq. İki il əvvəl Türkiyə və Azərbaycan prezidentlərinin imzalayıb dünyaya elan etdikləri Şuşa Bəyannaməsində Ermənistanın və digər Qafqaz ölkələrinin də yerinin olduğu açıq-aydın göstərildi. Düşünürəm ki, Ermənistan Şuşa Bəyannaməsində verilən mesajları yaxşı qiymətləndirsə, yoxsulluqdan tezliklə qurtulmaq, firavanlığa nail olmaq üçün mühüm addım atacaq”.
Oğuz