Azərbaycanın Fransadakı səfiri Leyla Abdullayeva Qarabağdakı son vəziyyət haqda danışıb.
Ednews xəbər verir ki, o bu barədə Fransanın “France 24” kanalına müsahibəsində, Fransanın Qarabağa qarşı qanunsuz təcavüz iddiasını rədd edib.
“Azərbaycanın Qarabağ ərazisindəki antiterror tədbirləri tamamilə onun haqqıdır və bu qanuni bir aktdır. Təxminən 24 saatlıq bir müddət ərzində aparılan tədbirlər ermənilərin hərbi təxribatlarına cavab olaraq baş verib. Qeyd edim ki, bu ərazidəki qanunsuz erməni silahlı qüvvələri Ermənistan respublikası tərəfindən məskunlaşdırılıb. Halbuki, bunun “altından xətt” çəkərək vurğulamaq istəyirəm ki, 44 günlük müharibədən sonra imzalanan üçtərəfli bəyannaməyə əsasən Ermənistan Respublikası orada yerləşdirilən qüvvələrin ərazidən çıxaracağı öhdəliyini vermişdi. Bunlara əməl olunmadı və biz son bir neçə müddətdir, dəfələrlə bəyan edirik ki, ərazidə mövcud olan seperatçı silahlı qüvvələri Azərbaycanın suverenliyinə təhdid törədir”.
Müsahibə əsnasında jurnalistin “ərazidə sadə mülki erməni xalqının qorxduğu və narahat olduğu bildirilir” fikrinə cavab olaraq səfir:
“Mən sizinlə tamamilə razıyam. Qarabağdakı seperatçı qüvvələri, mülki şəxsdən ayrı tutmalıyıq. Biz o şəkildə tədbirimizi alırıq və əminliklə söyləyə bilərəm ki, biz həmin mülkü şəxsləri öz ölkəmizin vətəndaşı olaraq saymağa hazırıq. Qarabağda yaşayan bütün erməni xalqının təhlükəsizliyi və haqları Azərbaycan konstitusiyasına əsasən təmin olunacaq.
Keçirilən son görüşdən sonra da ərzaq və yanacaqla təmin olunmağı istəyən ermənilərin bütün tələbatı ölkəmiz tərəfindən ödəniləcək” – deyə cavab verib.
Daha sonra Leyla Abdullayeva “ərazidə təhlükəsizliyin və erməni xalqının güvənin təmin olunması üçün nəyə görə ölkəniz BMT sülhməramlılarının məskunlaşmasına (Kipr və Abxaziya misal göstərilərək) icazə vermir? Sualını belə cavablandırıb:
“Vurğulamaq istəyirəm ki, Qarabağ ərazisi Beynəlxalq Hüquq tərəfindən Azərbaycanın qanuni ərazisi olaraq tanınır. Qarabağdakı etnik erməni xalqının taleyi Azərbaycan höküməti tərəfindən təyin olunmalıdır. Biz onlara dialoq şəklində bunun həllini təqdim etmişik. Keçirilən son görüşün də olduqca konstruktiv keçdiyini söyləyə bilərəm”
Müsahibənin sonunda jurnalistin təxribat xarakterli sualına cavab olaraq bildirib ki, soyqırım və etnik təmizləmə kimi iddiaların hamısı əsassızdır.
“Əgər əsaslı bir fakt olsaydı Ermənistan Respublikası bunu Beynəlxalq Məhkəmədə nümayiş etdirərdi. Təkrar qeyd edim ki, iki xalq arasıda dialoq, hər kəsin ağlındakı dezinformasiyanı və informasiya qıtlığını aradan qaldıracaq”.
Əkbər Novruz
