Cənubi Qafqazda yaranan siyasi proseslər bir çox ölkənin regiona müdaxilə etmək istəyi ilə müşahidə edilir. Bu gün bu “müdaxilə” siyahısının ən başında isə ABŞ dayanır. Gürcüstan və Ukraynanın üzərindən Rusiya ilə çarpışan ABŞ, indi də bu oyunu Cənubi Qafqazda həyata keçirməyə çalışır. ABŞ Zəngəzur dəhlizinin açılmasının vacibliyini vurğulayır, amma...
Onun bir məqsədi sərhədlərindən çox uzaqda olan Qafqazda Rusiyanı tərkisilah etməkdir. Regionun gücü olan Azərbaycanın buna izn verməməsinə baxmayaraq, təhlükəli oyunlar hələ də davam edir. Maraqlar isə günü-gündən artan aktyorların üzərində cəmləşir.
ABŞ-ın Zəngəzur dəhlizi ilə bağlı narahatlığa nəyə əsaslanır?
Politoloq Cümşüd Nuriyev bildirib ki, Azərbaycan Ermənistandan hələ də işğalda saxladığı kəndlərin boşaldılmasını tələb edir:
"Qazağın 7 kəndinin geri qaytarılması Ermənistanın Lars yolunun Azərbaycan Ordusunun nəzarətinə keçməsi deməkdir. Qış fəslində həmin yolların bağlanması və Azərbaycan Ordusunun əraziyə nəzarəti Ermənistanın tam blokadaya düşməsi ilə nəticələnə bilər. Gürcüstan üzərindən Dmanisi yolu da qış vaxtı əlverişsiz olur. Vaşinqtonun narahatlığı da Azərbaycanın 1925-ci il xəritələri ilə öz ərazisini geri qayıtması ilə bağlıdır. Amma burada ABŞ-ın heç bir təsir imkanı yoxdur. ABŞ-ın 14 ştatı ondan ayrılmaq istəyir, gedib öz daxili problemləri ilə məşğul olsun".
Politoloqun sözlərinə görə, noyabrın ayının 29-30-da Azərbaycan və Ermənistan arasında sərhədlərin delimitasiyası ilə bağlı hər iki tərəfin işçi qrupu görüşəcək:
"Bu görüşdən Ermənistan nəhayət nəticə çıxarmalıdır. Çünki bu proseslərdən o məğlub çıxır. Zəngəzur dəhlizi ilə bağlı Ermənistanın davranışı, manipuliyasiyası özünə ziyan vurdu. Azərbaycan İran vasitəsi ilə avtomatik olaraq bu məsələni həll etdi. Sərhədlərlə bağlı da Ermənistanı eyni aqibət gözləyir".
Oğuz