İran media mənbələrinin verdiyi məlumata görə, İranın xarici işlər naziri Hüseyn Əmir Abdullahian Qəzza müharibəsini müzakirə edən İslam Əməkdaşlıq Təşkilatının fövqəladə iclasında iştirak etmək üçün  Səudiyyə Ərəbistanına səfərə gedib. Lakin digər tərəfdən bu səfər İran-Səudiyyə münasibətlərinə necə təsir edəcək?

Məsələ ilə bağlı Qahirə Universitetinin İran məsələləri üzrə mütəxəssisi Dr. Mervət Zəkəriyyə Ednews- a özəl açıqlama verərək bildirib ki, İranın xarici işlər naziri Hüseyn Əmir Abdullahianın Səudiyyə Ərəbistanına səfəri İran - Səudiyyə Ərəbistanı münasibətlərini yenidən bərpa etdikdən sonrə ilk rəsmi səfərdir.

Ekspertin fikrincə, hər iki ölkənin xarici işlər nazirləri ilk məqamda Qəzza müharibəsində baş verənləri və HƏMAS hərəkatı ilə İsrail arasında gözlənilən atəşkəs haqqında müzakirə edəcəyi təxmin edilir.

Ekspert həmçinin səfərin iqtisadi məqsədlərinə toxunaraq bildirib ki, İran Qərbin ona qarşı tətbiq etdiyi iqtisadi sanksiyaları aradan qaldırmaq məqsədi ilə Səudiyyə Ərəbistanı Krallığı və Birləşmiş Ərəb Əmirlikləri, Küveyt  kimi digər Körfəz ölkələri ilə iqtisadi əlaqələrini inkişaf etdirməyə çalışır:

“Səudiyyə Ərəbistanı Krallığı verdiyi rəsmi açıqlamalarda bildirib ki, İrana qarşı tətbiq edilən iqtisadi sanksiyalara baxmayaraq İran da müxtəlif  sektorlarda o cümlədən neft və neft-kimya, daşınmaz əmlak və turizm kimi iqtisadi sektorlarda investisiyaya başlamağa hazıdır”.

Loğman Yunis