Avropada dəyişən siyasi vəziyyət və Rusiya ilə Qərb arasında artan gərginlik NATO-nun yeni müttəfiqlər axtarmasına yol açıb. Qlobal miqyasda öz missiyasını artıran NATO rəsmiləri Azərbaycanla əməkdaşlığı növbəti səviyyədə inkişaf etməsinə xüsusi önəm verdiklərini bildiriblər.
Bəs Azərbaycanla münasibətlərin inkişaf etməsi NATO üçün hansı vədlər verir?
Mövzu ilə bağlı Ednews-a açıqlama verən Azərbaycan-ABŞ İqtisadiyyat və Təhsil Şurasının baş direktoru və təsisçisi, BAMF-ın ABŞ-dakı nümayəndəsi Piter Teys Azərbaycanın Ukrayna müharibəsindən sonra NATO üçün daha önəmli tərəfdaşa çevrildiyini bildirib:
“Azərbaycan Respublikasının özünümüdafiə siyasəti Soyuq Müharibədən sonra yaranan siyasi dəyişikliklərə məruz qalan Qərb dövlətləri üçün əlverişlidir. Azərbaycanın milli təhlükəsizlik qurumları NATO-nun hərbi fəaliyyətini hər zaman dəstəkləyib. Dünyanın ən böyük təhlükəsizlik qurumu olan NATO Azərbaycanın Cənubi Qafqazdakı mövqeyini xüsusi diqqət mərkəzində saxlayır. Stoltenberqin prezident İlham Əliyevlə görüşü 1990-cı illərdən qurulan əməkdaşlığın davam etdiyini sübut etdi.
Keçmiş prezident Heydər Əliyevin 1994-cü ildə Sülh Naminə Tərəfdaşlıq proqramı ilə NATO-Azərbaycan arasında yaranan dostluq münasibətləri görünür, bundan sonra da davam edəcək.
Artıq illərdir ki, Azərbaycan NATO rəsmiləri ilə aktiv şəkildə əlaqə saxlamaqdadır. Aydındır ki, indi Avropa dövlətləri həmişəkindən daha çətin siyasi və iqtisadi maneələrlə qarşılaşır. Maliyyə vəsaitlərinin çatışmazlığı artıq dəfələrlə etiraf edilib. Bu, potensial müharibə zamanı müdafiə sahələrində çətinliklərin yaranacağından xəbər verir. Bu baxımdan, Azərbaycanın gəlirli layihələrə ev sahibliyi etməsi və quruculuq təşəbbüsü Qərbin iqtisadi maraqlarını cəlb edir.
Bakının Şərqə çıxışı, və Qərblə sabit münasibətləri ona Avropada terroçuluğun və hiperhücumların qarşısını almaq üçün qalxan rolunu oynamağa imkan verir. Azərbaycanla əməkdaşlıq edən dövlətlər ölkənin təhlükəsizlik sahəsində attığı addımlara görə heyrətlənirlər. Bundan başqa Bakının qeyri-neft sahələrindən yenilənə bilən enerji resurslarına yönəlməsi indi ölkənin xarici siyasətdəki əsas təzahürü olub”.
Fərid