Ermənistan-Azərbaycan şərti sərhədinin müxtəlif istiqamətlərində Ermənistan silahlı qüvvələrinin canlı qüvvəsi, zirehli texnikası, artilleriya qurğuları, habelə digər ağır atəş vasitələrinin cəmləşdirilməsi və qoşunların intensiv hərəkəti müşahidə olunur.
Ermənistanda Azərbaycanı müharibə ilə hədələyən revanşist qüvvələrin daha da fəallaşması, ölkəmizə qarşı aqressiv ritorikanın yüksək həddə çatması və təxribat cəhdlərinə hazırlıq məqsədilə informasiya məkanında vəziyyətin gərginləşməsinə xidmət edən təhrikçi məlumatların sayının artması özünü büruzə verir.
Ermənistan yeni müharibəyə hazırlaşır? Yoxsa ki, onların separatçı qüvvələri Azərbaycan üçün yeni bir təxribat planları hazırlayır?
Gündəm mövzusu ilə bağlı Beynəlxalq Avrasiya Mətbuat Fondunun prezidenti Umud Mirzəyev Ednews-a açıqlamasında bildirdi ki, Ermənistan-Azərbaycan şərti sərhədinin müxtəlif istiqamətlərində Ermənistan silahlı qüvvələrinin hərbi texnika yığması, silahlı qüvvələrinin cəlb olunması o demək deyil ki, Ermənistan təkcə bu gün Azərbaycanla bağlı müharibəyə hazırlaşır. Separatçı qüvvələri hər zaman belə bir müharibəyə hazırlaşıb.
U.Mirzəyevin sözlərinə görə seperatçıların, rəhbərlərinin hər zaman Azərbaycan torpaqları ilə bağlı bəlli hədəfləri olub:
“Bunun üçün də ən müxtəlif vasitələrdən istifadə ediblər. Lazım olan yerlərdə diplomatiyanı işə salıb, rüşvət verib, yaxın dostlarını güdaza veriblər. Necə ki, bu gün Rusiyaya qarşı aparılan siyasət bunu deməyə əsas verir. Biz bunu yüz illərdi görür, müşahidə edirik. Baş verən hadisələri incələsək bunun şahidi olarıq. Bu gün silahlı qüvvələrin Azərbaycan sərhədlərinə yığılmasının da bir səbəbi var. Separatçı qüvvələr mümkün olan vasitələrdən istifadə edirlər ki, öz xülyalarında yaratdıqları planları, çağırışları ilə dırnaq arası Artsaxı tərk edən erməniləri zorla Xankəndinə qaytarsınlar. Silahlı qüvvələri sərhədə yığmaqla həm Azərbaycana güc göstərirlər, həm də Xankəndiyə gəlmək istəyənlərə ürək-dirək vermək istəyirlər. Ki, biz sizin arxanızdayıq, mübarizə aparacağıq kimi vədlər... Bu cür təzyiqlər altında Xankəndinə separatçı qüvvələrin yerləşməsinə qətiyyən yolvermək olmaz”.
U.Mirzəyev hesab edir ki, Xankəndində yaşayan insanlar proesesin fərqindədirlər:
“Onlar yaxşı dərk edirlər ki, qondarma yurd-yuva, ev-eşik onların deyil. Ona görə də o insanların qayıtmaq niyyəti yoxdur. Demək olar ki, hamısı öz gələcək həyatlarını avropada yaxud dünyanın başqa ölkələrində ya da elə Ermənitanda görürlər. Ermənilərin yenindən Qarabağda, Xankəndində yerləşməsi bir ocağın, alovun, dinamitin, minanın yerləşdirilməsi deməkdir”.
Oğuz