Fransanın Xarici İşlər Naziri Stefan Sejourne Azərbaycanı Ermənistanın ərazi bütövlüyünü təhdid etməkdə ittiham edib.
Ednews xəbər verir ki, nazir Azərbaycanı Ukraynanı işğal edən Rusiyaya bənzədib:
“Biz Ermənistanın ərazi bütövlüyü haqqında danışdıq hansı ki, Azərbaycan tərəfindən təhlükə altındadır. Biz bu barədə çox narahatıq. Bundan başqa, biz Bakıdan gələn çoxlu sayda saxta xəbərlərlə qarşılaşırıq. Onlar regionda vəziyyətin eskalasiya etməsində Ermənistanı günahlandırırlar. Çünki Azərbaycan retorikası tamamilə əldən çıxır.
Ermənistan bu münaqişədə sülhə nail olmağa çalışan yeganə ölkədir. Ermənistan üzərinə atılan bu ittihamlar Rusiyanın Ukraynanı ittiham etməsinə bənzəyir. Düşünürəm ki, Bakıda keçiriləcək COP29-a altı ay qalmasına xüsusi diqqət verməliyik”.
***
Azərbaycan XİN Fransaya cavab olaraq bildirib:
Fransa Respublikasının Avropa və xarici işlər naziri Stefan Sejurnenin 2 aprel 2024-cü il tarixində Parisdə ABŞ dövlət katibi ilə birgə mətbuat konfransı zamanı Azərbaycana qarşı irəli sürdüyü əsassız ittihamlar Fransanın regionda gərginlik yaratmaq və sülh prosesinə mane olmaq səylərinin bariz nümunəsidir.
Fransanın Azərbaycan ərazilərini 30 ilə yaxındır işğal altında saxlayan, kütləvi qətllər və insanlığa qarşı cinayətlər törətmiş sülhsevər ölkə kimi Ermənistanı təmsil etməsi bu ölkənin həm vasitəçilik dövründə, həm də 44 günlük Vətən müharibəsindən sonra apardığı siyasətin nə qədər saxta olduğunu nümayiş etdirir.
Eyni zamanda, Ermənistanı silahlandıran, regionda militarizmi təşviq edən Fransa tərəfinin Azərbaycanı aqressiv ritorikada ittiham etməsi yolverilməzdir.
Azərbaycan BMT-nin İqlim Dəyişikliyi üzrə Çərçivə Konvensiyasının (COP29) Tərəflər Konfransının 29-cu sessiyasının təşkilatçısı kimi məsuliyyətli rol oynadığı bir vaxtda biz hesab edirik ki, Fransa və bütün dünya üçün ölkənin imicinin pozulmasına yönəlmiş və sədrliyimizə yönəlmiş bu cür çağırışlardan qaçmaq daha sərfəli olacaq.
Hamıya aydın olmalıdır ki, Son 30 ildə Ermənistanın təcavüzünü ört-basdır edən Fransa kimi ölkələrin siyasəti heç bir fayda gətirmədi. Bununla yanaşı, Fransa tərəfi başa düşməlidir ki, həyata keçirdiyi destruktiv fəaliyyət dayandırılmayana qədər bu, həm Fransanın, həm də Ermənistanın hər cür müdafiə etdiyi imicinə fayda gətirməyəcək.
