İsrailin Dəməşqdəki İran konsulluğuna yerləşdirdiyi zərbələr SEPAH-ın yüksək rütbəli generalı Məhəmməd Rza Zahidinin ölümünə yol açıb. İran bildirib ki, Vaşinqton edilən hücum haqqında açıqlama verməlidir. 

Bu hadisə regiondakı siyasi vəziyyətə necə təsir edəcək?

Məsələ ilə bağlı Ednews-a açıqlama verən Orta Doğu Araşdırmaları Mərkəzinin sədri, siyasi ekspert Sədrəddin Soltan Zahidinin İrandan kənarda öldürülən ilk yüksək rütbəli zabiti olmadığını bildirib:

“Dörd il öncə İran İnqilab Keşikçiləri Qvardiyası komandanı General Qasım Süleymani ABŞ hərbçilərini tərəfindən zərərsizləşdirdi. Ondan sonra Tehran hakimiyyəti həmin generalın qanının yerdə qalmayacağını bildirdi. Hesab edirəm ki, general Məmməd Rza Zahidinin öldürülməsi də, hərbi əməliyyatların gedişi zamanı baş verən hadisədir. Yəni bu, generala qarşı hər hansı sui-qəsd cəhdi deyil. Çünki, o Dəməşqdə İsrailə və ABŞ hərbçilərinə qarşı mübarizə aparmaq üçün xidmət edib. 

Əgər İsrail, yaxud ABŞ Zahidini zərərsizləşdirməsəydi, Zahidi ABŞ və İsrail hərbçilərinə qarşı belə davranacqdı. Odur ki, bu döyüş əməliyyatının bir parçası kimi dəyərləndirilə bilər. 

O ki, qaldı İranın regionda geniş miqyaslı hərbi addımlar atmasına, indiki vəziyyətdə bu o qədər də ağlabatan görünmür. İranınn regionda oxşar hadisə ilə rastlaşmayıb. Nə İsrail, nə də ABŞ hansısa ölkənin konsulluğunda gizlənməyib. Bu baxımdan İranın istənilən formada bəyanatları məntiqli sayılmır. Çünki, Zahidi İranın ölkə sərhədlərindən kənarda zərərsizləşdirilən ilk yüksək rütbəli zabiti deyil, bundan əvvəl də bu hadisələr olub. Bundan başqa həmin hücum nəticəsində İranın daha yeddi hərbçisi həyatını itirib”.

Fərid