Haaqada keçirilən Beynəlxalq Ədalət Məhkəməsində Ermənistan nümayəndələri Azərbaycana qarşı irəli sürdüyü iddialar səsləndirib. Ermənistan tərəfi Azərbaycanın Qarabağda ermənilərə qarşı etnik təmizləmə həyata keçirdiklərini bildirib.
Ermənistanın Azərbaycana qarşı bu əsassız iddialarına qlobal səviyyədə münasibət necədir?
Məsələ ilə bağlı Ednews-a açıqlama verən fransalı siyasi ekspert, dr. Naim Asas Azərbaycanın beynəlxalq sferada multikultural və tolerant bir ölkə kimi ön plana çıxdğını bildirib:
“Yaxın zamanda Haaqa Beynəlxlq Ədalət Məhkəməsi Azərbaycanla Ermənistan arasında, Qafqaz regionunda dərin tarixə dayanan problemləri həll etmək üçün baş tutub. Məhkəmə həm də iqri ayrı-seçkiliyin və etnik təmizləmə kimi məsələlərin həll olunmasına diqqət ayırıb. Məhkəmə zamanı Ermənistan Azərbaycanın iddialarına cavab verib. Azərbaycan isə, öz növbəsində Ermənistanın etnik təmizləmə iddialarına qarşı mövqe tutub. Bu məhkəmə, həm də BƏM-nin beynəlxalq səviyyədə etnik və iqri məsələlərə toxunan konfliktlərin həllində tərəfsiz rolunun ön plana çıxarır”.
“Azərbaycanın multikultural və tolerant imici Ermənistanın etnik təmizləmə iddiaları ilə üst-üstə düşmür”.
“Azərbaycan özünü illərdir multikultural və multietnik cəmiyyətə malik bir ölkə kimi tanıdıb. Hansı ki, bu xüsusiyyətlər etnik təmizləmə kimi həssas məsələ ilə ziddiyyət təşkil edir. Azərbaycan höküməti Qarabağda yaşayan ermənilərin Azərbaycan vətəndaşı olduqlarını bildirib və onların hüquqi müdafiəsini təsdiqləyib. Bu siyasət, diskriminasiya iddialarını təkzib edən, tolerantlıq və müxtəliflik nümunəsidir.
Ermənistan-Azərbaycan konflikti regional və beynəlxalq siyasətdən dərin şəkildə təsirlənib. Türkiyə və Rusiya kimi ölkələrin siyasi maraqları Qarabağdakı münaqişəyə təsir edib və etməkdədir. Bu kimi faktorlar regiondakı münaqişənin mənşəyini anlamaq üçün olduqca əhəmiyyətlidir. Tarixi tavmalar və davam edən siyasi hadisələr əlbəttə ki, etnik kimlik və ona tolerantlıq kimi məsələlələrdən qaynaqlanır”.
Siyasi ekspert bildirib ki, BƏM-in bu kimi münaqişələrdə 3-cü tərəf rolunu oynaması konfliktin daha tez həll olunmasına şərait yaradacaq:
“BƏM-dən bu kimi münaqişələrə xitab etmək üçün istifadə etmək hərbi konfliktlərə leqal həll yolları gətirir. Buna baxmayaraq, bu kimi leqal məhkəmələrin effektivliyi, ölkələr arasında baş verən hadisələrdən təsirlənə bilər. Akademik baxımdan, bu münaqişəni analiz etmək həm qlobalizm, həm də beynəlxalq hüquq məsələlərini daha yaxşı anlamağa kömək edir.
Qafqaz regionu Avropanın enerji təhlükəsizliyini qoruyan və enerji resursları üçün koridor rolunu oynayır. Regional qüvvələrin gücləri Şərqi Avropa və Yaxın Şərqin enerji təhlükəsizliyinə zərər vura bilər”.
Fransalı politoloq həm Azərbaycan, həm də Ermənistana tez bir zamanda sülhə nail olmaq üçün öz tövsiyyələrini verib:
“Son olaraq Azərbaycana və Ermənistana bundan sonra da BƏM ilə daha yaxından münasibətdə olmağı təklif edirəm. Beynəlxalq cəmiyyət bu kimi etnik məsələlərin olduğu münaqişələrin həll olunmasında böyük rola malikdir. Hər iki ölkə uzunmüddətli sülhü bərpa etmək üçün qarşılıqlı güzəştə gedə bilər. Təbii ki, sülhü bərpa etdikdən sonra iqtisadi əməkdaşlıq yaratmaq hər iki tərəfin özünü daha təhlükəsiz hiss etməsi ilə nəticələnəcək”.
Fərid Axund