“Ermənistan dünənki çıxışını son dərəcə etibarsız və yanlış bir hekayəni təqdim etməyə xərclədi”.

Ednews xəbər verir ki, bu sözləri Azərbaycanın Hollandiyadakı səlahiyyətli səfiri Haaqada Beynəlxalq Ədalət Məhkəməsində İrqi ayrı-seçkiliyin bütün formalarının ləğvi haqqında Beynəlxalq Konvensiyanın tətbiqi (Ermənistan Azərbaycana qarşı) üzrə Azərbaycan tərəfindən qaldırılan ilkin etirazlar üzrə keçirilən ictimai dinləmələr zamanı deyib.

“Dünən təqdim edilən slaydlara diqqətlə nəzər yetirilib, araşdırıldığı zaman Ermənistanın irəli sürdüyü sübutların tamamilə yanlış olduğunu, irəli sürülən “irqi-ayrı seçicilik”lə əlaqəli olmadığını görə bilərik. Bunlardan biri də Ermənistanın təqdim etdiyi SM-5 slaydıdır. Burada Azərbaycan əsgərinin qol nişanında ("şevron"), “Qaçma erməni sadəcə yorğun öləcəksən” göstərilir. Lakin məsələ ondadır ki, istinad edilən şəkilin mənbəyi Azərbaycan və ya onun əsgəri ilə bağlı sübutu olmayan bir Facebook səhifəsidir. Cənab prezident, Ermənistanın vəkilinin bu dinləmədə vurğuladığı bu sübut onun növbəti saxtakarlığıdır”.

Xatırladaq ki, aprelin 17-da Birləşmiş Millətlər Təşkilatının Beynəlxalq Ədalət Məhkəməsində “Ermənistan Azərbaycana qarşı” işi üzrə şifahi dinləmələrin 3-cü günü keçirilib. 

Qeyd edək ki, dinləmələrin son günü 19 aprel tarixində keçiriləcək.

Əkbər Novruz