Xəbər verdiyimiz kimi, Qazaxın 4 kəndinin Azərbaycana qaytarılması barədə Ermənistanla razılıq əldə edilib. Bu barədə aprelin 19-da keçirilən Azərbaycan ilə Ermənistan arasında dövlət sərhədinin delimitasiyası üzrə Dövlət Komissiyası və Ermənistan ilə Azərbaycan arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın səkkizinci görüşündə razılıq əldə olunub.

Bundan sonra sülh müqaviləsi də bağlana bilər? Nəhayət ki, Qafqaza barış, sülh gələcək?
Məsələ ilə bağlı Rusiya və Qafqaz əlaqələri üzrə ekspert Dr. Basil Əl-Həcc Casim Ednews-a özəl açıqlama verərək bildirib ki, Azərbaycan və Ermənistan arasında sərhədlərin delimitasiyası iki ölkə arasında daimi sülha əsas maneələrdən birinin aradan qalxması deməkdir.

“Lakin bunun uğrunda Azərbaycan və Ermənistanın atmalı lazım olduğu bəzi addımlar qalmaqdadır. Çünki bu  iki ölkəni birləşdirmək üçün dəhlizlərin, quru yollarının və dəmiryol xətlərinin açılmasına gətirib çıxaracaq”.

Ounun sözlərinə görə, regionda quru dəhlizlərinin açılması ilə bağlı maneələr var, bu məsələ təkcə Ermənistana aid deyil: 

“Həm də region ölkələrinin sərhədlərinin dəyişdirilməsinə qarşı çıxan İrana aiddir. Çünki Naxçıvanla Azərbaycan arasında dəhlizin açılması İranla Ermənistan arasında əlaqələrin kəsilməsi deməkdir. İran da bunu istəmir”.

Loğman Yunis