ABŞ prezidentliyinə namizəd Donald Trampa qarşı hazırlanan sui-qəsd təşəbbüsündə İranın barmağı ola bilər. İranın keçmiş prezident Donald Trampa qarşı sui-qəsd planı üzə çıxıb. Bu barədə CNN ABŞ milli təhlükəsizlik xidmətinin anonim əməkdaşına istinadən xəbər yayıb. Xəbərdə bildirilir ki, ABŞ rəsmiləri İranın Trampa sui-qəsd planı hazırladığı barədə məlumat alıblar. 

Bu sui-qəsddə İran izinin olması faktı nə qədər doğruluğu əks etdirir?

“İran İslam Cumhuriyyəti rejimi hakimiyyətdə olduğu son 45 il ərzində dünyanın bir çox yerlərində terror aktlarını gerçəkləşdirmiş və ya maliyyələşdirmişdir. Elə buna görə də, dünyanın hər hansı bir yerində bir terror hadisəsi baş verəndə ilk ağla gələn İran və ona bağlı olan terror qruplaşmalarıdır.” 

Bu fikirləri Ednews-a açıqlamasında bildirən siyasi ekspert Çingiz Göytürk İranın bu cür bir addım atmaq ehtimalı olduğunu vurğulayıb:

“Özəlliklə, Trampın ilk prezidentlik dönəmində onun İrana qarşı sərt duruşu və onun nüvə fəaliyyətlərinə birgə nəzarət anlaşması “Bərcam”dan təktərəfli çəkilməsi, ardinca İrana qarşı sanksiyaları daha da gücləndirməsi və genişləndirməsi İranın heç də unudacağı bir məsələ deyildir. 

Ayrıca, seçki kampaniyalarının nəticələrinə baxdıqda, Trampın demokratlarda səs çoxluğu ilə öndə olduğu aydın görünür. Trampın yenidən prezident seçkilərində seçilməsi şansını nəzərə alan İranın panikaya qapılıb bu cür bir addım atması böyük bir ehtimaldır. Ancaq bu barədə əlimizdə hər hansı bir dəqiq məlumat olmadığı üçün dəqiq nəsə demək mümkün deyil.”

Fərid