İranın ali dini lideri Ayətullah Seyid Əli Xamenei Ermənistan Baş naziri Nikol Paşinyan ilə görüşü zamanı Zəngəzur dəhlizinin Ermənistanın ziyanına olduğunu bildirib. 

Tehranın Zəngəzur dəhlizinin açılmamasında nəyə görə maraqlıdır? 

“İlk öncə onu vurğulamaq lazımdır ki, İranın siyasi sistemində dini hakimiyyətlə siyasi hakimiyyətin baxışlarında ciddi fərqlər mövcuddur. Nəzərə almaq lazımdır ki, dini hakimiyyət daha radikal, mühafizəkar, qonşulara münasibətdə daha tərəddüdlü və qısqancdır.” 

Bu fikirləri Ednews-a açıqlamsı zamanı bildirə siyasi ekspert Amid Əliyev, İranda yeni seçilmiş Pezeşkianın da eyni xəttri davam etdirməkdə olduğunu bildirib:

“Bundan fərqli olaraq siyasi hakimiyyət daha liberal və demokratik və islahatçı olmağa çalışır. Belə ki, keçmiş prezident İbrahim Rəisi də bu istiqamətdə siyasət yürüdürdü və hazırda yeni seçilmiş sayca 9-cu prezident Məsud Pezeşkianın da bu xətti davam etdirmək həvəsində olduğu açıq şəkildə özünü biruzə verir.”

İranda siyasi və dini liderlər arasında fərqli perspektivlərin olduğunu deyən ekspert, Tehranın Zəngəzur dəhlizi haqqında açıqlamasını məntiqsiz adlandırıb:

“Lakin, iki gün öncə Ermənistan Baş nazirinin Tehrana səfərində İranın Ali dini lideri ilə görüşü zamanı, Zəngəzur dəhlizinin açılmaması və açılacağı təqdirdə bunun Ermənistanın ziyanına olacağı haqqında fikirlər səsləndirilib. Birincisi, bu onun bariz nümunəsidir ki, İranda dini liderlə siyasi lider arasında bölgə üzrə xarici siyasət perspektivində fərqlər var. Bu, həm də Prezident və onun yeni komandasına bir mesajdır.

İkincisi, İranın dini lideri bu yöndəmsiz fikirləri ilə hələ də Ermənistana yaxınlığını və regionda mövcudluğunu sübut etməyə çalışır. Üçüncüsü, Zəngəzur Dəhlizinin açılmasını tələb edən Azərbaycan və onun əməkdaşları olduğu və ərazinin də Ermənistana məxsus olduğu bir halda İranın bu barədə fikir söyləməsi məntiqsizdir.”

Ekspert bildirib ki, İran daha çox Qərbin casus şəbəkəsini regionda toplayan Ermənistan haqqında narahat olmalıdır:

“Hazırda İranın Ali dini liderini o fakt maraqlandırmalıdır ki, onun əzəli rəqibi olan ABŞ artıq ikinci dəfədir ki, Ermənistanla hərbi təlimlər keçirir. Aİ-nın mülki missiya adlandırdığı bir layihədə Avropanın bütün hərbi və casus şəbəkəsi Ermənistanda yerləşib. Təkcə bu arada Azərbaycan İranla araz çayı üzərindən yeni marşrutun salınması haqqında memorandum imzalayıb.

Bütün bunların fonunda İranın ali dini liderinin belə bəyanat verməsi öz milli, iqtisadi və siyasi maraqlarının qorunmasına və bölgədə mövcud olmasına hesablanmış bir siyasi addım kimi qiymətləndirilə bilər. Zəngəzur dəhlizinin açılması lokal yox, həm də reagional səviyyəli bir layihədir. Bunun icrasına qarşı çıxmaq İran üçün həm bir siyasi və iqtisadi divident qazandırmayacaq.”

Fərid