"Qarabağ Universitetinin yaradılması çox böyük önəm daşıyır. Hər birimiz, o cümlədən vətəndaşlar Qarabağın mədəni intellektual mərkəzi olan Xankəndidə Qarabağ Universitetinin fəaliyyət göstərməsi, ali təhsil ilə bağlı kifayət qədər gözləntilərə ümid bəsləyirik". 

Bu sözləri Ednews-a Azərbaycan Respublikası Elm və Təhsil Nazirliyi yanında İctimai Şuranın üzvü, fəlsəfə doktoru İlqar Orucov deyib. 

"Hesab edirəm ki, bütövlükdə bölgənin eyni zamanda ölkəmiz üçün yüksək səviyyəli, peşəkar savadlı mütəxəssis hazırlığını həyata keçirmək istiqamətində Qarabağ Universiteti öz sözünü deyəcək. Qarabağ Universitetində bizim çox görkəmli elm, təhsil xadimlərimiz  dərs deyiblər. Cənab Prezidentin fərmanı ilə yaradılmış Qarabağ Universiteti həm də Qarabağda bölgənin inkişafında öz sözünü deyəcək. Elm ocağı olaraq fəaliyyətə başlayacaq. İnanıram ki, çox yaxın zamanda dünyanın nüfuzlu universitetlərin sırasında olacaq. Ali təhsil müəssisələrinə qəbul imtahında ən yüksək nəticə qazanmış abituriyentlər, yeni yaradılmış Qarabağ Universitetinə üstünlük verəcəklər".

Aysel