“Mövcud informasiya dövründə süni intellekt həyatımızın hər bir sahəsində müəyyən dəyişikliklər yaradır. Texnologiya başda olmaqla biznesdən, təhsilə, tibbə, əyləncəyə və s. qədər hər yerdə intellektin təsiri hiss olunur. Belə ki, süni intellekt avtomatlaşdırılmış hücum aşkarlama sistemlərindən tutmuş məlumatların təhlilinə qədər, informasiya təhlükəsizliyini dəstəkləyir.” 

Bu fikirləri Ednews-a müsahibəsi zamanı danışan İT mütəxəssisi Elvin Həsənov süni intellektdən yarana biləcək təhlükələrin qarşısını almaq üçün müxtəlif yollar tövsiyə edib:

“Süni intellektin dərin öyrənmə texnikası mütəxəssislərə zərərli fəaliyyətləri aşkarlamağa imkan verir. Bu texnologiyalar mürəkkəb hücumları hücumlarını təhlil edərək, təhlükəsizlik tədbirlərini gücləndirir. Lakin, süni intellekt eyni zamanda həm də texnologiya sahəsində yeni təhdidləri ortaya çıxarır. Süni intellekt daxilindəki öyrənmə qabiliyyətləri, hücumçulara təhlükəsizlik sistemlərini öyrənib, onları aşmaq üçün məlumat toplamağa imkan verir. Nümunə olaraq, süni intellekt tərəfindən idarə olunan botnetlər, hücumların avtomatlaşdırılması və koordinasiyası üçün istifadə edilə bilər.

Zərərli tərəflərdən danışdığımız qədər informasiya təhlükəsizliyi sahəsində süni intellektin təhdidlərə qarşı müdafiəni artırmaqla yanaşı, məlumatların idarə edilməsini və təhlükəsizlik siyasətlərinin həyata keçirilməsini də asanlaşdırır. Çünkü, intellekt bir növ informasiya təhlükəsizliyi sahəsində çalışan mütəxəssislərə hücum nümunələrini analiz etməyə, təhlükəsizlik siyasətlərini yeniləməyə və yarana biləcək təhdidlərə daha sürətli və effektiv cavab verməyə imkan verir. Bu məqsədlə mütəxəssislər davamlı olaraq inkişafa meyl etməlidirlər.”

Süni intellekt hər nə qədər inkişaf etsə də, insan əməyinə hələ də ehtiyac olacaq:

“Biz Aİ -nin müsbət və mənfi tərəflərini qeyd etdikcə insanlarımızda belə fikir formalaşır ki zaman-zaman insan əməyinə ehtiyac qalmayacaqdı. Düşünürəm ki, süni intellektin genişlənməsi narahatçılıq doğurmamalıdır. Çünki, süni intellektin tətbiqi ənənəvi sahələrdə insan əməyinə təlabatı azaltsa da, yeni istehsal sahələri əmələ gətirir və yeni peşələr meydana gətirməkdə fayda verir. Yəni, insan əməyi həmişə lazım olacaq.”

Azərbaycanda süni intellektdən qanunsuz məqsədlərlə istifadə olunması haqqında dövlət hansı addımlar atır?

“Dövlət qurumları tərəfindən bu sahədə lazımi addımlar atılır. Buna nümuna olaraq dələduzluq hallarında, misal üçün, çarx və ya latoreya kimi oyunlarda süni intellektdən qanunsuz şəkildə istifadə edilməsinə qarşı mübarizə aparılır.  Başqa Avropa ölkələri ilə müqayisə etsək deyə bilərik ki, bizim cəmiyyətdə daha çox gənc və orta təbəqə tanışdır. Bu həm də ona görədir ki, insalarımız maariflənməyə meyl etmirlər. Dələduzluqla maarifləndirmə getsə də, bu tora düşənlər olur.”

Fərid