Xəbər verdiyimiz kimi, bu gün sosial şəbəkədə “Faytonçu” Nazimin ölüm xəbəri yayılıb.
Daha sonra ifaçının yaxın dostları Oxu.Az-a açıqlama verərək, yayılan məlumatı təkzib ediblər.
Müğənni bir neçə dəqiqə əvvəl sosial şəbəkədə videogörüntüsünü paylaşaraq, sağ-salamat olduğunu bildirib.
***
“Faytonçu” ləqəbi ilə tanınan azərbaycanlı müğənni Nazim Pişyari ölməyib”.
Bu barədə Lent.az-a müğənninin kiçik bacısı Təranə Pişyari bildirib.
Onun sözlərinə görə, bu xəbər yalandır: “Hazırda Nazimin müalicəsi gedir. Əməliyyatdan sonra özünə gəlməsi bir az vaxt aparacaq, bunu hamı bilir. Bu xəbəri yaymaqla kim nə əldə edir, bunu anlamıram. Nazim sağ-salamatdır, hər şey yolundadır, sağalandan sonra, inşallah, efirə də çıxacaq”.
***
Faytonçu Nazimin yaxın qohumunun Publika.az-a verdiyi məlumata görə, müğənninin ölümü ilə bağlı yayılan məlumat yalandır. Onun verdiyi məlumata görə, müğənninin vəziyyəti yaxşıdır. Nazim sağ və salamatdır.
***
Müğənni Vüqar Muradov 2 saat əvvəl sosial şəbəkədə “Faytonçu” Nazimin (Nazim Pişyari) vəfat etməsi ilə bağlı xəbər yayıb.
Oxu.Az-ın əməkdaşı V.Muradovun prodüseri ilə əlaqə saxlayıb. O, bu məlumatın Nazim Pişyarinin yaxın dostu Ələkbər Şahmuradovun səhifəsindən götürüldüyünü bildirib və bu haqda dəqiq məlumatı olmadığını söyləyib. Zəngimizdən sonra isə müğənni məlumatı səhifəsindən silib.
Daha sonra N.Pişyarinin yaxınları və dostları ilə əlaqə saxlamağa çalışsaq da, zəngimizə cavab verən olmadı.