Qarşıdan Qurban bayramı gəlir. Qurbanlıq ətin saxlanma qaydalarını bilmək hər bir inanclı insan üçün vacibdir. Heyvan kəsildikdən dərhal sonra doğranıb hissələrə ayrılır. Ət parçalananda belə öz istiliyini qoruyur. Bəs isti qurban ətinin soyuducuya qoyulması nə dərəcədə doğrudur?
Qurban ətinin keyfiyyətini qorumaq üçün bəzi şərtlərə əməl etmək gərəkdir.
Təzə əti dərhal soyuducuya qoymaq qəti yolverilməzdir. Bu halda ət qısa müddətdə xarab olur, keyfiyyətini itirir. Ətin soyumasını gözləmək lazımdır.
Mütəxəssislər bildirirlər ki, qurban əti hissələrə parçalandıqdan sonra təmiz qablara yığılmalı, azı 3-4 saat otaq şəraitində və ya açıq havada saxlanmalıdır. Soyumamış ət soyuducuya qoyulduqda üzü quruyur, amma içi bir müddət isti qalır ki, bu da bakteriyaların inkişafını sürətləndirir. Nəticədə hətta qoxu da meydana gələ bilər.
Polietilen paketlərə yığılan ət parçaları hava almasına əngəl olacaq şəkildə üst-üstə yığılmamalıdır.
Soyuducu ətin daxili temperaturunu soyutmadığı təqdirdə iki-üç gündə ətdə yaşıl göbələk əmələ gələ bilər.(teleqraf.com)
