Polşanın Krinisa şəhərində sentyabrın 5-dən 7-dək keçirilən Krinisa İqtisadi Forumu işini davam etdirir. Forum bu ildə iştirakçı sayına görə yeni rekord qırıb. Tədbirdə iştirak üçün 4000 mindən çox iştirakçı qeydiyyatdan keçib. Təsadüfi deyil ki, bu forum Davosdan sonra Avropanın ən böyük iqtisadi forumlarından biri hesab edilir. İştirakçılar sırasında dünyanın iri şirkətləri, biznes adamları ilə yanaşı bir sıra Mərkəzi və Şərqi Avropa ölkələrinin dövlət və hökumət başçıları da var. Bu, təbii ki, forumun əhəmiyyətindən xəbər verir, eyni zamanda fikir mübadiləsi aparmaq üçün forumun bir platforma olduğunu təsdiq edir. Foruma gəlmək, müxtəlif tədbirlərində iştirak etmək və burada fikir mübadiləsi aparmaq olar.
Forumun təşkilatçıları bildirirlər ki, Forum çərçivəsində beynəlxalq şirkətlər müqavilələr bağlayır və öz layihələrinin həyata keçməsi üçün yeni imkanlar qazanırlar. Burada nəinki Polşadan, həmçinin dünyanın onlarla digər ölkəsindən maraqlı biznes tərəfdaşları tapmaq olar. Üç günlük forum ərzində bir adam müxtəlif şəxslərlə 40-50 görüş keçirə bilər. Qeyd edək ki, Avrasiya Media Şəbəkəsi və Eurasia Diary portalı forumun media tərəfdaşlarıdır.
A.Mirzəyev,Eurasia Diary, Krinisa şəhəri(Poland)
.jpeg)
