Xəbər verdiyimiz kimi, Beynəlxaq Olimpiya Komitəsi 2018-ci ildə Pxençxanda keçiriləcək Qış Olimpiya Oyunlarında Rusiya idmançılarının öz ölkələrinin bayrağı altında çıxışını qadağan edib.
Bu barədə komitənin İsveçrənin Lozanna şəhərində keçirilən iclasında qərar verilib.
Qərara əsasən, idmançılar Rusiya bayrağı altında sözügedən yarışda iştirak edə bilməzlər. Lakin BOK Olimpiadaya lisenziya qazanmış rus idmançıların neytral ölkənin bayrağı altında qatıla biləcəyini bildirib.
BOK-un qərarından sonra Rusiya prezidenti Vladimir Putin idmançıların Cənubi Koreyada keçiriləcək Oyunlara neytral statusla göndərilməsinə icazə verib. Bu barədə məlumatı açıqlamasında Kremlin sözcüsü Dimitri Petrov bildirib.
O, qeyd edib ki, əgər idmançılar özləri bununla bağlı qərar qəbul etsələr, onların Olimpiadaya göndərilməsinə heç kim mane olmayacaq.
Qeyd edək ki, karyerasında dopinqə görə bir dəfə də olsa, cəza alan idmançılar Cənubi Koreyaya gedə bilməyəcəklər. (yenicag.az)
.jpg)
