Son günlər ölkədə enerji daşıyıcılarının xüsusən də, avtomobil yanacaqlarının yenidən bahalaşacağı ilə bağlı şaiyələr yayılmaqdadır. Yayılan qeyr-rəsmi məlumatlara görə, dizel yanacağının satış qiymətlərində artım olacaq. Əlbəttəki şaiyə, şaiyə olaraq qalır.
Ötən ilin sonlarında tarif şurası tərəfindən yayılan rəsmi açıqlamada bildirilmişdi ki, yaxın aylarda aşağı oktanlı, xüsusəndə dizel yanacığının qiymətinin artımı ilə bağlı heç bir təklif irəli sürülməyib. Ekpertlər isə, enerji daşıyıcılarının qiymət artımı məsələsinin tarif şurasından çox, tələb və təklifdən aslı olduğu qənətindədir.
İqtisadçı Vüqar Bayramlı dizel yanacağının qiymət artımı ehtimalının böyük olduğunu bildirsədə, indi reallıqda məbul saymır. Onun fikrincə bu baş verəcəyi halda ölkədə bir çox xidmət sahəsində qiymət artımı labüd olacaq. Bu isə, ölkə iqtiasiyyatı üçün bir çox çətinliklər yaradacaq.
Aşağı oktanlı 92 maraklı benzinin eləcədə, dizel yanacağının bahalaşacağı təqdirdə, avtomobil bazarına da təsirsiz ötüşməyəcək. Jurnalist-Ekspert Elməddin Muradlının sözlərinə görə, bu dizel avtomobillərinin bazardan sıxışdırılıb çıxarılması ilə nəticələnəcək.
Yayılan şaiyələrin nə dərcədə doğru olduğunu öyrənmək üçün, Tarif Şurası ilə əlaqə saxladıq. Şuraya cavabdeh, İqtisadiyyat Nazirliyinin mətbuat xidmətinin rəhbəri Abbas Əliyev şifahi olaraq bildirdi ki, yayılan məlumatlar əsassızdır və bununla bağlı quruma hər hansısa təklif daxil olmayıb.
