Hazırda Böyük İpək Yolu ikinci həyatını yaşayır. Onun köməyilə texnologiya, mədəni nailiyyətlərin mübadiləsi həyata keçirildi. Azərbaycan və Çin - inkişafı ilə dünya iqtisadiyyatına böyük təsir göstərən iki ölkədir.

Bu barədə Bakıda səfərdə olan "China Yiwu JIYAN Import and Export Co Ltd" şirkətinin baş direktoru Çjou Çin Eurasia Diary-ə bildirib. Çindən gəlmiş qonağın Beynəlxalq Avrasiya Mətbuat Fondunun (BAMF) prezidenti Umud Mirzəyevlə təşkilatın ofisində görüşü baş tutub.

Azərbaycanın Çindəki səfiri ilə görüşdən sonra o Heydər Əliyev Fondunun və Azərbaycan Nazirlər Kabinetinin nümayəndələri ilə görüşməyi planlaşdırır.

O prioritet məsələlərdən biri kimi Böyük İpək Yolunun bərpa edilməsi çərçivəsində Azərbaycanla Çin arasında qarşılıqlı əlaqələrin və əməkdaşlığın öyrənilməsi  olduğunu hesab edir.

O, ölkənin dördüncü və sonuncu olmayan mərkəzi İvu şəhərində səkkiz mərtəbəli Azərbaycan Mədəniyyət Mərkəzinin tezliklə açılacağını bildirib. İvu haqqında danışarkən, o şəhərin ən böyük bazarı ilə Çində məşhur olduğunu qeyd edib.

Onun sözlərinə görə, Azərbaycan Mədəniyyət Mərkəzinin məqsədi Çin əhalisini Azərbaycan mədəniyyəti, tarixi, adət-ənənələri və mətbəxi ilə tanış etməkdir. Mərkəzin bir mərtəbəsi tamamilə Azərbaycan milli mətbəxinin restoranı üçün nəzərdə tutulub və orada baş aşpaz də azərbaycanlıdır.

Tarixi salonlar nümayiş olunan materialların yerləşdiyi muzey şəklində qurulub.

Çjou Çin qeyd edib ki, Mərkəzdə Azərbaycan şərabının təqdim olunacağı üzüm şirəsi ilə müqayisədə təkzibolunmaz üstünlüyə malik nar və nar şirələri və mineral su da daxil olmaqla Azərbaycan məhsullarının olduğu otaqlar xüsusi yer alacaq. O antioksidant rolunu oynayır. Orqanizmdə yaşlanma prosesini yavaşlatmağa kömək edir. Nar tumlarında linoleva turşusu olduğu üçün xərçəng şişlərinin inkişafına mane olur. Nar şirəsi xüsusi ətri və tamı ilə fərqlənir. Həmçinin, qeyd etmək istərdim ki, nar şərabı özəl sayılır və istehsalı çox əmək tələb etdiyi üçün üzüm şərabı kimi iri həcmdə idxal edilmir.

Onun sözlərinə görə, Azərbaycanda istehsal olunan məhsullar yüksək keyfiyyəti ilə seçilir. Belə ki, yerli şərablar fransız şərabları ilə cəsarətlə rəqabət apara bilər. Buna baxmayaraq, problem çinlilərin Azərbaycan barədə çox az məlumatının olması və digər ölkələrdən olan mallara üstünlük verilməsidir. Bu səbəbdən iki il əvvəl ölkədə Azərbaycan haqqında məlumatın verilməsi üçün yalnız mədəni əlaqələri gücləndirmək və turizmi inkişaf etdirməklə deyil, tərəflər arasında ticarətin artırılmasını da nəzərdə tutan kampaniya başladı.

Çjou Çin əmindir ki, əgər Çində Azərbaycan barədə bilsələr, Odlar diyarı bütün dünyada məşhurlaşacaq. Bunun səbəbi aydındır: Çin diasporası dünyanın ən böyük diasporasıdır və Çin dünyada ən böyük ixracatçıdır.

O, bildirib ki, Azərbaycanda tez-tez qonağı olduğu təxminən 300-ə yaxın dostu var. İlk dəfə 19 il əvvəl Azərbaycana səfərindən sonra Bakının dəyişildiyini qeyd edib. O, Azərbaycan mətbəxinə, Bakının və Şamaxının gözəlliyinə, milli ornamentləri olan xalçalarına heyrandır. Çjou Çin çoxdan azərbaycanlı dostlarından vannalarının müalicəvi xüsusiyyətləri barədə eşitdiyi Naftalan kurortunda istirahət etməyi planlaşdırır.   

Çjou Çin hesab edir ki, hazırda mədəniyyət turizminə olan tələbatda görünməmiş artım yaşanır. Onun fikrincə, bu tendensiyalar Çindən daha çox turist cəlb etmək üçün Azərbaycanın qarşısında parlaq imkanlar açır.