Bütün Qazaxıstan mətbuatı həmyerlimiz Tahir Quliyevdən yazır.

 

Eurasia Diary xəbər verir ki, Aktobe şəhərində qonaq olan yerlimiz maşınla şəhəri gəzərkən bir binada güclü yanğının olduğunu görüb. O, dərhal maşından düşərək içəridə qalanları xilas etməyə qaçıb. Quliyev hadisəni belə xatırlayır:

 

"Binaya tərəf qaçanda ilk gördüyüm şey o idi ki, heç kim kömək etmir, hamı hadisəni telefona çəkir və bu məni şoka saldı. Binanın girişində iki gənci gördüm və onlardan xahiş etdim ki, mənimlə gəlsinlər. Bir-bir qapıları döyməyə başladıq və içəridəkilərə yanğın barədə xəbər verdik. O biri girişdə (blokda) 4 qadını gördüm və onlara da dedim ki, dərhal buranı tərk etsinlər. Həmin an bir qız mənə tərəf qaçaraq dedi ki, xalası 6-cı mərtəbədəki 49 saylı mənzildə qalıb. Xoşbəxtlikdən həmin an Fövqəladə Hallar Departamentində işləyən dostum yaxınlıqdan keçirdi. O, hadisə barədə dərhal müvafiq quruma xəbər verdi. Həmin anadək yanğın barədə siqnal daxil olmamışdı. Ardınca o mənə tərəf qaçdı. Yuxarı mərtəbədə qalan xanımı xilas etmək üçün düşünmədən ora yollandıq. Qapını döysək də reaksiya verən yox idi. O zaman dostum qapını sındırdı və onu xilas etdi. Bir qədər sonra artıq FHN hadisə yerinə çatmışdı. Onlara da məmnuniyyətlə köməkm etdik. Bu işdə bizə kömək edən hər kəsə təşəkkür edirəm. Köməyə çağıran insanların, xüsusilə uşaqların ağlamağına biganə qala bilməzdim".