Ancaq ötən müddət sərhədçilərin öz üzərilərinə düşən vəzifəni yüksək məsuliyyətlə yerinə yetirdiklərinin şahidi olduq.

Dünən Ermənistan silahlı qüvvələri Qazax istiqamətində növbəti dəfə Azərbaycan sərhəd postlarını atəşə tutdular. Onlara cavab atəşi verildi və hadisə zamanı sərhədçi əsgər sıravi Ceyhun Bayramov yaralanır.

Hadisə barədə məlumat daxil olan kimi DSX rəisi general-polkovnik Elçin Quliyev bölgəyə yollanır, şəraitə qiymət verir. Mövqemiz bar daha yoxlanılır, tapşırıqlar verilir. Ən əsası isə yaralının müalicəsi ciddi nəzarətə götürülür.

Yaralı əsgər helikopterlə Bakıya hərbi hospitala gətirirlir. Ailəsinin Bakıya gəlməsi təmin edilir və müalicəsi barədə məlumat verilir.

Yaralıya baş çəkən Dövlət Sərhəd Xidmətinin rəisi general-polkovnik Elçin Quliyev əsgər Ceyhun Quliyevə göstərdiyi mətinliyə görə təşəkkür edir, onu “Vətənin layiqli əsgəri ” adlandırır.

Əsgərin xidmət müddətinin bitməsinə az qaldığına görə və yralandığı nəzərə alınaraq ona vaxtından əvvəl təxris olunmaq təklif edilir.

İgid sərhədçi bundan imtina edir, axıracan əsgəri xidmət çəkmək istədyini bildirir.

Generalın yaralı əsgərin başından öpməsi şəkli bu gün saytlarda və sosial şəbəkəd geniş yayılmaqdadır.

Bu müstəqil dövlətimizin biri general, biri sıravi rütbəsində olmaqla iki əsgərinin sıx birlik görüntüsü hesab edilə bilər.

Belə igid əsgər bu gün Azərbaycan gəncləri üçün bir nümunədir, gənc nəslin torpaqlarımızın qorunması uğrunda qətiyyətinin simvoludur.

Əsgəri xidmət müddətini axıracan çəkmək istəyən yaralı əsgər bugünkü reallığımızın yetirməsidir.

Fikrimcə, belə qəhrəman əsgəri istisna hal kimi imtahansız Dövlət Sərhəd Xidməti Akademiyasına da qəbul etmək olar. (Etikxeber.az)